- యూనివర్సిటీ బంద్ ప్రశాంతం
హనుమకొండ, వెలుగు: కాకతీయ యూనివర్సిటీ పీహెచ్డీ అడ్మిషన్లలో జరిగిన అవకతవకలపై యాక్షన్ తీసుకోకపోతే వచ్చే ఎన్నికల్లో బీఆర్ఎస్ను ఓడిస్తామని వర్సిటీ స్టూడెంట్ జేఏసీ నాయకులు హెచ్చరించారు. పీహెచ్డీ అక్రమాలపై చర్యలు తీసుకోకపోవడాన్ని నిరసిస్తూ గాంధీ జయంతి సందర్భంగా ఆందోళన చేసిన విద్యార్థులను పోలీసులు అరెస్ట్ చేసిన విషయం తెలిసిందే. ఈ అరెస్టులను నిరసిస్తూ మంగళవారం స్టూడెంట్జేఏసీ ఆధ్వర్యంలో కేయూ బంద్ కు పిలుపునివ్వగా.. మంగళవారం ఉదయం 11 గంటలకు క్యాంపస్లో తరగతులు బహిష్కరించారు. పలువురు ఉద్యోగులు కూడా స్వచ్ఛందంగా విధులు బహిష్కరించి ఆందోళనకు మద్దతు తెలిపారు. స్టూడెంట్స్ వివిధ డిపార్ట్మెంట్ల నుంచి ర్యాలీగా అడ్మినిస్ట్రేటివ్ బిల్డింగ్కు చేరుకుని, ఆందోళన కొనసాగించారు.
వీసీ తాటికొండ రమేశ్, రిజిస్ట్రార్ శ్రీనివాస రావును బర్తరఫ్ చేయాలని డిమాండ్ చేశారు. పీహెచ్డీ అడ్మిషన్లలో జరిగిన కుంభకోణంపై సిట్టింగ్ జడ్జితో విచారణ జరిపించాలని డిమాండ్చేశారు. నెల రోజులుగా పోరాటం చేస్తున్నా మంత్రులు, ఎమ్మెల్యేలు స్పందించకపోవడం సిగ్గుచేటన్నారు. తర్వాత వీసీ బిల్డింగ్ఎదుట ఎమ్మెల్సీ పల్లా రాజేశ్వర్రెడ్డి దిష్టిబొమ్మ దహనం చేశారు. విద్యార్థులు వీసీ ఛాంబర్లోకి చొచ్చుకెళ్లే ప్రయత్నం చేయగా పోలీసులు అడ్డుకున్నారు. కేయూ స్టూడెంట్జేఏసీ లీడర్ఇట్టబోయిన తిరుపతి యాదవ్, జేఏసీ వ్యవస్థాపక సభ్యుడు డా.మంద వీరస్వామి, టీజీవీపీ రాష్ట్ర ప్రధాన కార్యదర్శి మేడ రంజిత్కుమార్, ఏబీవీపీ కేయూ ఇన్చార్జి నిమ్మల రాజేశ్, విద్యార్థి సంఘాల నేతలు మాచర్ల రాంబాబు, అరెగంటి నాగరాజు, అంకిల్ల శంకర్, ఎండీ పాషా, బొట్ల మ నోహర్, మట్టెడ కుమార్, జి ప్రశాంత్ పాల్గొన్నారు.
