- ఆనవాళ్లు దొరకకుండా కారం, పసుపు చల్లి పరారైన హంతకుడు
జూబ్లీహిల్స్, వెలుగు : సాఫ్ట్ వేర్ కోర్సుల ఫ్యాకల్టీ దారుణహత్యకు గురైన సంఘటన మధురానగర్పీఎస్ పరిధిలో జరిగింది. పోలీసులు తెలిపిన ప్రకారం.. ఏపీలోని కృష్ణాజిల్లా తిరువూరు గంపల గూడెంకు చెందిన రవికుమార్(45)కు భార్య అశ్వని, కూతురు ఉన్నారు. అతను కుటుంబంతో సిటీకి వచ్చి ఎల్లారెడ్డిగూడలోని ఫ్రిబ్జి రెసిడెన్సీలోని సెకండ్ఫ్లోర్లో ఉంటున్నాడు. రవికుమార్ సాఫ్ట్ వేర్ కోర్సుల ఫ్యాకల్టీగా ఆఫ్ లైన్, ఆన్ లైన్ క్లాసులు చెబుతుంటాడు.
బుధవారం సాయంత్రం అతడు ఒక్కడే ఇంట్లో ఉన్నాడు. భార్య, పాప వాకింగ్కు వెళ్లారు. రవికుమార్ఫ్లాట్ లోకి ఓ ఆగంతకుడు చొరబడి అతడి తలపై బలంగా కొట్టడడంతో స్పాట్ లో చనిపోయాడు. నిందితుడు ఆనవాళ్లు దొరకకుండా కారం, పసుపు చల్లి పరార్ అయ్యాడు. పంజాగుట్ట ఏసీపీ మోహన్కుమార్ఆధ్వర్యంలో క్లూస్టీం వెళ్లి దర్యాప్తు చేపట్టింది. ముందస్తు ప్లాన్ ప్రకారమే హత్య చేసినట్టు తెలుస్తుంది. ఫింగర్ ప్రింట్ నిపుణులు, పోలీసు అధికారులు సీసీ ఫుటేజ్ లను పరిశీలిస్తున్నారు. నిందితుడి కోసం ఏసీపీ ఆధ్వర్యంలో ప్రత్యేక టీమ్ లతో గాలింపు చేపట్టారు.
