బోధన్, వెలుగు : తెలంగాణలో బహుజనుల రాజ్యాధికార సాధనే లక్ష్యంగా ముందుకెళ్తున్నట్లు బీఎస్పీ జిల్లా ఇన్చార్జి గైని గంగాధర్పేర్కొన్నారు. మంగళవారం బోధన్లో బీఎస్పీ ఆధ్వర్యంలో బైక్ర్యాలీ నిర్వహించారు. కొత్త బస్టాండ్, అనిల్ టాకీస్ చౌరస్తా, అంబేద్కర్చౌరస్తా, రైల్వేగేట్మీదుగా బీఎస్పీ ఆఫీస్ వరకు ర్యాలీ కొనసాగింది. ఈ సందర్భంగా గంగాధర్మాట్లాడుతూ బహుజనులకు బంగారు భవిష్యత్ అందించేలనే ఉన్నత లక్ష్యంతో ఆర్ఎస్ ప్రవీణ్కుమార్ బీఎస్పీలో చేరారని, ఆయన్ను ప్రేరణగా తీసుకొని అనేక మంది పార్టీలో చేరుతున్నారన్నారు.
కులమతాలు, ప్రాంతాలకు అతీతంగా పార్టీ అభివృద్ధికి కార్యకర్తలు కృషి చేయాలని కోరారు. ఈ సందర్భంగా ఇతర పార్టీల నుంచి బీఎస్పీలో చేరిన పలువురిని కండువా కప్పి ఆహ్వానించారు. కార్యక్రమంలో పార్టీ నియోజకవర్గ ఇన్చార్జి సింగాడే పాండు, జిల్లా నాయకులు రామ్చందర్, నీరడి శంకర్, బర్ల రాములు, రామకృష్ణ, సుభాష్, గోపాల్ పాల్గొన్నారు.
