వనపర్తి, వెలుగు : వనపర్తిలోని జేఎన్టీయూ కాలేజీలో నెలకొన్న సమస్యలను పరిష్కరించాలని బీటెక్ స్టూడెంట్లు మంగళవారం వనపర్తి -గోపాల్పేట రోడ్డుపై ధర్నా, రాస్తారోకో చేశారు. ఈ సందర్భంగా స్టూడెంట్స్ మాట్లాడుతూ.. జేఎన్టీయూ కాలేజీని ప్రస్తుతం పీజీ సెంటర్లో కాకుండా సొంత బిల్డింగు నిర్మించి అందులో నిర్వహించాలన్నారు. హాస్టల్ ఫెసిలిటీ కల్పించాలని, ల్యాబులు ఏర్పాటు చేయాలని డిమాండ్ చేశారు.
కాలేజీలో అయిదు బ్రాంచీల్లో 960 మంది చదువుతున్నారని, విద్యార్థినులకు జిల్లా కేంద్రంలో ఇది వరకు నడిచిన ఓ ప్రైవేటు ఆసుపత్రి భవనంలో హాస్టల్ సౌకర్యం కల్పించారన్నారు. అక్కడా భోజనం సరిగా పెట్టడం లేదని, వాటర్ ఫెసిలిటీ కూడా లేదని వాపోయారు. బాత్రూమ్లు సరిపోయినన్నీ లేవని ఆరోపించారు. కలెక్టర్, ఎమ్మెల్యే, మంత్రి స్పందించి సమస్యలు పరిష్కరించాలని డిమాండ్ చేశారు.
