న్యూఢిల్లీ: కేంద్ర బడ్జెట్లో అటవీ, పర్యావరణ మంత్రిత్వశాఖకు కేంద్రం రూ. 3,330.37 కోట్లు కేటాయించింది. ఆర్థిక మంత్రి నిర్మలా సీతారామన్ క్యాపిటల్ ఎంటర్‌ ప్రెన్యూర్‌‌‌‌షిప్ సంబంధిత సంస్కరణల కింద వాతావరణ ఫైనాన్స్ వర్గీకరణ గురించి ప్రస్తావించారు. దేశంలో వాతావరణ అనుకూలత పెంపొందించడానికి తాము క్లైమేట్ ఫైనాన్స్ వర్గీకరణను అభివృద్ధి చేస్తామని తెలిపారు. ఇది దేశ వాతావరణ పరిరక్షణ, హరిత వృద్ధి సాధించడానికి తోడ్పడుతుంది అని ఆమె చెప్పారు.
ALSO READ : పటాన్ చెరు – దిల్ సుఖ్నగర్ రూట్ లో 10 ఏసీ మెట్రో లగ్జరీ బస్సులు
కాగా, ఈ ఏడాది ఫిబ్రవరిలో ప్రవేశపెట్టిన మధ్యంతర బడ్జెట్లో పర్యావరణమంత్రిత్వ శాఖకు రూ. 3,265.53 కేటాయించగా, గత బడ్జెట్లో కేంద్రం పర్యావరణ శాఖకు రూ.3,079.40 కోట్లు కేటాయించింది. అదేవిధంగా కాలుష్య నియంత్రణకు కేంద్రం రూ.858.5 కోట్లు కేటాయించగా, గత ఆర్థిక సంవత్సరంలో దీని కోసం రూ.756 కోట్లు అలాట్ చేసింది. గ్రీన్ ఇండియా నేషనల్ మిషన్‌‌‌‌కు రూ.220 కోట్లు కేటాయించారు. సవరించిన బడ్జెట్ ప్రకారం గత ఏడాదికి ఇది రూ.160 కోట్లు ఉండగా ఈ బడ్జెట్లో మరో రూ.60 కోట్లు అదనంగా కేటాయించారు.
