మొబైల్ ఫోన్ల ధరలు తగ్గనున్నాయి. దాదాపు 6 శాతం మేర చౌకగా లభ్యం కానున్నాయి. దిగుమతి చేసుకునే ఫోన్లపై కేంద్రం కస్టమ్స్ డ్యూటీని 20 నుంచి 15 శాతానికి తగ్గించింది. బడ్జెట్లో మొబైల్ ఫోన్స్, ఛార్జర్స్, హ్యాండ్సెట్ల తయారీకి ఉపయోగించే కొన్ని కాంపోనెంట్స్పై దిగుమతి సుంకాన్ని తగ్గిస్తున్నట్టు ఆర్థిక మంత్రి నిర్మల ప్రకటించారు.
మొబైల్ ఫోన్లు భారీగా అమ్ముడవుతున్నాయని చెప్పారు. గత ఆరేండ్లలో దేశంలో ఫోన్ల ఉత్పత్తి 3 రెట్లు పెరగగా, దిగుమతులు100 రెట్లు పెరిగాయని పేర్కొన్నారు. ప్రభుత్వ నిర్ణయంపై మొబైల్ ఫోన్ల ఇండస్ట్రీ హర్షం వ్యక్తం చేసింది. ఈ రంగానికి మరింత ఊతం చేకూరుతుందని ఇండస్ట్రీ ప్రతినిధులు పేర్కొన్నారు.
