భద్రాద్రికొత్తగూడెం, వెలుగు: జిల్లా కేంద్రంలో రూ.కోటి వెచ్చించి నిర్మించిన బిల్డింగ్ ప్రారంభించక ముందే శిథిలావస్థకు చేరుకుంది. ఇప్పుడది అసాంఘిక కార్యకలాపాలకు అడ్డాగా మారింది. బిల్డింగ్ నిర్మించిన ఆ ల్యాండ్ రూ.3కోట్లకు పైగా విలువ చేస్తుంది. అధికార పార్టీ నేతల అండదండలతో కొందరు బడాబాబులు కబ్జా చేసేందుకు కన్నేశారు. అయితే ఈ బిల్డింగ్ను ప్రజలకు అందుబాటులోకి తెచ్చే విధంగా ఆఫీసర్లు చర్యలు చేపట్టాల్సి ఉంది. లేదంటే ల్యాండ్ఆక్రమణకు గురయ్యే ప్రమాదం ఉందని స్థానికులు వాపోతున్నారు.
వినియోగంలోకి తీసుకురావాలని...
కొత్తగూడెంలోని 1,2,3,4,23,24,25,26 వార్డులకు చెందిన ప్రజల కోసం మాజీ ఎమ్మెల్యే జలగం వెంకట్రావ్హయాంలో కమ్యూనిటీ హాల్(ఎంపవర్మెంట్సెంటర్)ను ఆరేండ్ల కింద నిర్మించారు. ఈ బిల్డింగ్తమకు చాలా ఉపయోగపడనుందని ఆయా వార్డుల ప్రజలతో పాటు పట్టణ వాసులు భావించారు. గవర్నమెంట్మీటింగ్ లకు కూడా ఈ బిల్డింగ్పనికొస్తుందనే ఆలోచనతో కమ్యూనిటీ హాల్ను మెయిన్రోడ్డుకు సమీపంలో హనుమాన్బస్తీ ప్రాంతంలో నిర్మించారు.
మరో రూ.10 నుంచి రూ.15 లక్షలు వెచ్చిస్తే ఈ కమ్యూనిటీ హాల్ వినియోగంలోకి వచ్చేది. ఎమ్మెల్యే మారాక ప్రస్తుత ఎమ్మెల్యే ఆ బిల్డింగ్ను ప్రజల్లోకి తీసుకురావడంలో నిర్లక్ష్యంగా వ్యవహరిస్తున్నారనే విమర్శలు వస్తున్నాయి. బిల్డింగ్ను వినియోగించుకునేందుకు ఆఫీసర్లు కూడా దృష్టి సారించలేకపోతున్నారు. ఫలితంగా ఆ బిల్డింగ్ లోమందుబాబులు విందులు వంటి అసాంఘిక కార్యకలాపాలు జరుగుతున్నాయన్నది స్థానికుల వాదన.
సర్కార్ప్రోగ్రామ్స్ కోసం కొన్ని సందర్భాల్లో మీటింగ్హాల్స్ లేక ఆఫీసర్లు ఇబ్బంది పడుతున్న దాఖలాలున్నాయి. నేషనల్ హైవేకు అతి సమీపంలో ఉన్న ఈ కమ్యూనిటీ హాల్ను వినియోగంలోకి తేవడంలో మాత్రం ఎవరికి వారు ‘నాకేందుకులే’ అనే విధంగా ఆఫీసర్లు వ్యవహరిస్తున్నారనే ఆరోపణలున్నాయి. మరోవైపు దాన్ని ఆక్రమించుకునేందుకు కొందరు అధికార పార్టీ నేతల అండదండలతో కబ్జాకు స్కెచ్వేస్తున్నారు.
పాత డాక్యుమెంట్లు సృష్టించి ఈ ల్యాండ్ను రిజిస్ట్రేషన్ చేయించుకునేందుకు ప్లాన్చేస్తున్నారని ఈ ప్రాంత వాసులు ఆరోపిస్తున్నారు. చిన్నా చితక మిగిలి ఉన్న పనులను పూర్తి బిల్డింగ్ను ఫంక్షన్హాలులా మారిస్తే గవర్నమెంట్కు ఆదాయం రావడంతోపాటు అందరికీ ఉపయోగపడనుందని ప్రజలు అభిప్రాయపడుతున్నారు. ఇప్పటికైనా కలెక్టర్ స్పందించి ఈ బిల్డింగ్ను వాడుకలోకి తెచ్చేందుకు చర్యలు తీసుకోవాలని, లేదంటే కబ్జా చేస్తారని పట్టణ ప్రజలు కోరుతున్నారు.
అందుబాటులోకి తేవాలె..
రూ. కోట్లు ఖర్చు పెట్టి కట్టిన బిల్డింగ్ను ప్రజలకు ఉపయోగపడేలా ఆఫీసర్లు చర్యలు తీసుకోవాలే. ఈ బిల్డింగ్ను పూర్తి చేసేందుకు అవసరమైన నిధులను మంజూరు చేయాలని ఆఫీసర్లను కోరినా పట్టించుకుంటలేరు. ఇప్పటికైనా స్పందించకుంటే జరిగే నష్టం జరిగిపోతుంది. –సాహెరాబేగం, కౌన్సిలర్
కబ్జాకు స్కెచ్వేస్తున్నరు...
ఇక్కడి స్థలం దాదాపు రూ.3కోట్ల విలువ చేస్తది. ఈ ల్యాండ్ను కబ్జా చేసేందుకు కొందరు స్కెచ్గీస్తున్నరు. వారి ఆటలు సాగనీ యద్దంటే ఆఫీసర్లు మేల్కోవాలే. విలువైన గవర్నమెంట్స్థలాలు కబ్జా కాకుండా చూసే బాధ్యత ఆఫీసర్లదే. ఎంపవర్మెంట్ సెంటర్ పేరుతో కమ్యూనిటీ హాల్కట్టిన ఈ బిల్డింగ్ వినియోగం లోకి తెచ్చేందుకు ఉద్యమిస్తం. –వై. శ్రీనివాస్రెడ్డి, మున్సిపల్ సీపీఐ ఫ్లోర్ లీడర్
