- కరెంట్, నల్లా కనెక్షన్లు కట్
- పైసలు కట్టేవరకు ఓపెన్చేయనని భీష్మించిన బిల్డింగ్ యజమాని
మెహిదీపట్నం, వెలుగు: ఏడు నెలలుగా అద్దె చెల్లించడం లేదని నాంపల్లిలోని హైదరాబాద్జిల్లా సబ్ రిజిస్ట్రార్, రెడ్ హిల్స్సబ్ రిజిస్ట్రార్ ఆఫీసులకు బిల్డింగ్యజమాని తాళం వేసి, కరెంట్, నల్లా సప్లయ్కట్చేశాడు. దీంతో శుక్రవారం మధ్యాహ్నం వరకు రిజిస్ట్రేషన్లు, అధికారుల కార్యకలాపాలు నిలిచిపోయాయి. ఇంతియాజ్ ఖురేషి అనే వ్యక్తికి సంబంధించిన బిల్డింగ్లో 20 ఏండ్లుగా రెడ్హిల్స్సబ్రిజిస్ట్రార్, హైదరాబాద్జిల్లా సబ్ రిజిస్ట్రార్ ఆఫీసులు కొనసాగుతున్నాయి.
అయితే ఏడు నెలలుగా బిల్డింగ్అద్దె చెల్లించాలని ఇంతియాజ్ఖురేషి అధికారులను అడుగుతున్నా స్పందించకపోవడంతో గురువారం అర్ధరాత్రి బిల్డింగ్ కు తాళం వేశాడు. కరెంట్మీటర్ బాక్స్వద్ద ఫ్యూజులు తీసేశాడు. వాటర్ట్యాంక్నుంచి సప్లయ్బంద్చేశాడు. శుక్రవారం ఉదయం ఆఫీసుకు వచ్చిన అధికారులు, సిబ్బంది వెంటనే బిల్డింగ్యజమానికి ఫోన్ చేయగా, రెంట్కట్టేవరకు తాళం తీయనని తేల్చి చెప్పాడు.
స్పందించిన ఉన్నతాధికారులు ఇంతియాజ్ఖురేషితో ఫోన్లో మాట్లాడారు. అద్దె చెల్లిస్తామని చెప్పడంతో శుక్రవారం మధ్యాహ్నం ఆఫీసులను తెరిచాడు. లోనికి వెళ్లిన సిబ్బంది చాలాసేపు చీకట్లోనే ఉండాల్సిన పరిస్థితి ఏర్పడింది. కాగా అద్దె చెల్లించకపోతే బిల్డింగ్ ఖాళీ చేయాలని ఇంతియాజ్ ఖురేషి హెచ్చరించినట్లు తెలిసింది.
