కాళ్ల మీద పడ్డా కనుకరించలే..
కంది, వెలుగు: ‘కడుతున్నప్పుడు చూస్తున్నరు.. కట్టినంక అనుమతులు లేవంటూ కూలుస్తున్రు.. పర్మిషన్లకు అప్లయ్ చేస్తే కావాలనే లేట్ చేస్తున్రు.. ఇదేందని అడిగితే పర్మిషన్లు వాళ్ల లిమిట్స్ కాదంటున్రు..’.. కంది మండల పరిధిలో ఇండ్లు కూల్చివేతకు గురైన బాధితుల ఆరోపణలు ఇవి. శనివారం కంది మండల పరిధిలో పర్మిషన్ లేని, ఇల్లీగల్గా చేపట్టిన కన్స్ట్రక్షన్లను కూల్చేందుకు స్పెషల్ డ్రైవ్ నిర్వహించారు. ఇద్దరు డీఎల్పీవోలు, నలుగురు ఎంపీవోలు, 10 మంది సెక్రటరీలతో కూడిన టీం ఈ దాడులు చేపట్టింది. కందిలో 4 కమర్షియల్ షెడ్లు, కవలంపేటలో 1, చేర్యాల గ్రామంలో 3 ఇళ్లను జేసీబీలతో కూల్చేశారు. తాము కష్టపడి కట్టుకుంటున్న ఇండ్లను కూల్చొద్దంటూ బాధితులు ఆఫీసర్ల కాళ్లు పట్టుకున్నా కనికరించలేదు. చేర్యాల గ్రామంలో అనుమతి లేని వెంచర్లో చేపట్టిన ఇంటిని కూల్చేశారు. అక్కడే ఉన్న ఇంటి యాజమాని కాళ్లు మొక్కుతా సార్.. ఇల్లు కూల్చొద్దు, పర్మిషన్ వచ్చే వరకు మిగతా నిర్మాణం చేపట్టబోనని బతిమిలాడిన ఆఫీసర్లు వినలేదు. నోటీసులో సంజాయిషీ అడిగి ఎలాంటి సమాచారం లేకుండా జేసీబీలతో కూల్చడమేంటని ప్రజలు ఆగ్రహం వ్యక్తం చేస్తున్నారు.
పర్మిషన్ తీసుకోవాల్సిందే..
హెచ్ఎండీఏ లిమిట్స్లో ఉన్న అన్ని ఏరియాల్లో తప్పనిసరిగా కమర్షియల్ కన్స్ర్టక్షన్కు హెచ్ఎండీఎ పర్మిషన్ తీసుకోవాల్సిందేనని డీఎల్పీవో సతీశ్రెడ్డి చెప్పారు. పర్మిషన్లేకుండా నిర్మాణాలు చేపడితే పనిష్మెంట్ తప్పదన్నారు. హెచ్ఎండీఏ అనుమతులు లేని వెంచర్లలలో ఇండ్ల నిర్మాణం చేపడితే చర్యలు ఉంటాయి. ఎల్ఆర్ఎస్ కట్టకుండా ఇంటి నిర్మాణాలు చేపట్టొద్దు. దాడుల్లో డీఎల్పీవో రాఘవరావు, ఎంపీవోలు శ్రీనివాస్, యూసూఫ్, మహేందర్రెడ్డి, నారాయణ, కంది ఈవో వాణి, సెక్రటరీలు పాల్గొన్నారు.
