నాగచైతన్య, సాయిపల్లవి జంటగా తెరకెక్కుతున్న లవ్, యాక్షన్ డ్రామా ‘తండేల్’. చందూ మొండేటి దర్శకుడు. ఈ మూవీ మ్యూజికల్ ప్రమోషన్స్ స్టార్ట్ చేసిన మేకర్స్.. గురువారం ‘బుజ్జి తల్లి’ అనే లిరికల్ వీడియోను విడుదల చేశారు. ‘నీకోసం వేచుందే నా ప్రాణం... ఓ బుజ్జితల్లి.. నా కోసం ఓ మాటైనా మాటాడే.. నా బుజ్జితల్లి’ అనే పల్లవితో సాగే ఈ హార్ట్ టచింగ్ లవ్ సాంగ్‌‌ను దేవిశ్రీ ప్రసాద్ కంపోజ్ చేయగా, జావేద్ అలీ పాడాడు.
‘‘నీరు లేని చేపల్లే, తార లేని నింగల్లే.. జీవమేది నాలోన నువ్వు మాటలాడందే.. ఉప్పునీటి ముప్పును కూడా గొప్పగా దాటే గట్టోన్నే.. నీ కంటి నీటికి మాత్రం కొట్టుకుపోతానే..”అంటూ హీరోహీరోయిన్ల ఎమోషనల్ జర్నీని ప్రజెంట్ చేస్తూ లిరిక్స్ రాశారు శ్రీమణి. అల్లు అరవింద్ సమర్పణలో బన్నీ వాస్ నిర్మిస్తున్న ఈ చిత్రం ఫిబ్రవరి 7న ప్రేక్షకుల ముందుకు రానుంది.
