- వాణిజ్య, సాంస్కృతిక సంబంధాల బలోపేతానికి ఆసక్తి
హైదరాబాద్, వెలుగు: ఐటీ శాఖ మంత్రి దుద్దిళ్ల శ్రీధర్ బాబుతో బల్గేరియా రాయబారి నికోలాయ్ యాంకోవ్ భేటీ అయ్యారు. బుధ వారం సెక్రటేరియెట్ లో ఆయన దేశ గౌరవ కాన్సులేట్, సుచిర్ ఇండియా ఇన్ ఫ్రా సీఈవో కిరణ్ కుమార్తో కలిసి మంత్రితో సమావేశమయ్యారు. ఈ సందర్భంగా రాష్ట్రంలో వాణిజ్య, సాంస్కృతిక అంశాల్లో సంబంధాలను బలోపేతం చేసుకునేందుకు ఆసక్తిగా ఉన్నామని నికోలాయ్ యాంకోవ్ తెలిపారు.
రెండు దేశాల మధ్య వాణిజ్య, పారిశ్రామిక పెట్టుబడులకు సంబంధించి కామన్ ప్లాట్ఫాం ఏర్పాటు చేయాలని కోరారు. అందుకు మంత్రి శ్రీధర్ బాబు ఒకే చెప్పారు. నూతన ఆవిష్కరణలు, ఫార్మా, లైఫ్ సైన్సెస్ కు సంబంధించి రాష్ట్రంలో అనుకూలమైన వాతావరణం ఉందన్నారు.
