వెలుగు, మాక్లూర్ : మాక్లూర్ పోలీస్స్టేషన్ పరిధిలోని చికిలి గ్రామంలో తాళం వేసిన ఇంట్లో చోరీ జరిగింది. మారినేని హరిచరణ్రావు ఇంట్లో కొంత కాలంగా రెంట్కు ఉంటున్న డ్యాగ నీలకంఠం బుధవారం సాయంత్రం తన కూతురును కాలేజ్ లో చేర్పించేందుకు కుటుంబంతో కలిసి హైదరాబాద్ వెళ్లాడు.
ఇంట్లో ఎవరూ లేకపోవడంతో తెలియని వ్యక్తులు తాళం పగులగొట్టి బీరువాలో ఉన్న 6 తులాల బంగారం, 30 తులాల వెండి, రూ.లక్షా 25వేల నగదు దోచుకెళ్లారు. ఘటనా స్థలాన్ని ఎస్ఐ సుధీర్ రావు పరిశీలించారు. కేసు నమోదు చేసి, దర్యాప్తు చేస్తున్నట్లు చెప్పారు.
