జమ్మూ కాశ్మీర్ లోని రాజౌరి జిల్లా అడవుల్లో కార్చిచ్చు అంటుకుంది. నిన్నటి నుంచి ఇంకా కంటిన్యూగా కిలో మీటర్ల మేర అడవులు కాలిపోతూనే ఉన్నాయి. ప్రధానంగా చింగూస్ బ్లాక్ సహా..నౌషెరా సబ్ డివిజన్ ఫారెస్టులో ఈ మంటలు అంటుకున్నాయి. మంటల కారణంగా స్థానిక గ్రామాల్లోకి దట్టమైన పొగ చేరుతోంది. దీంతో స్థానికలు, పిల్లలు, వృద్ధులు, వాహనదారులు తీవ్ర ఇబ్బందులు పడుతున్నారు.
స్థానికులు కూడా మంటలు ఆర్పే ప్రయత్నం చేస్తున్నారు. ఈ మంటల్లో చిన్నపాటి జంతువులు, పక్షులు కాలి బూడిదవుతున్నాయి. అగ్నిమాపక సిబ్బంది రంగంలోకి దిగారు. మంటలు ఆర్పే ప్రయత్నం చేస్తున్నారు. కానీ...కార్చిచ్చు ఏ మాత్రం తగ్గడం లేదు. తమ వంతుగా ప్రయత్నం చేస్తున్నామన్నారు ఫైర్ సిబ్బంది.
తమతో పాటు స్థానికుల సహాయం కూడా తీసుకుంటున్నామన్నారు. జమ్మూ కాశ్మీర్ వ్యాప్తంగా ప్రాంతంలో ఇప్పటికే ఎండలు రికార్డు స్థాయిలో ఉన్నాయి. ఆ ఎండలకు తోడు.. ఈ మంటలు మరింత ఉక్కిరిబిక్కిరి చేస్తున్నాయి.
