- రెండు ప్రత్యేక బస్సుల్లో వచ్చిన యాత్రికులు
భైంసా, వెలుగు: యూపీకి వెళ్లిన భైంసా యాత్రికులు గురువారం తిరిగొచ్చారు. అక్కడ జరిగిన బస్సు ప్రమాదంలో 54 మందికి చెందిన వస్తువులు, సామగ్రి, నగదు పూర్తిగా కాలిపోయాయి. దీంతో బాధితులు కట్టుబట్టలతో మిగిలారు. సమాచారం తెలుసుకుని ముథోల్ఎమ్మెల్యే రామారావు పటేల్వెంటనే కేంద్ర మంత్రి బండి సంజయ్దృష్టికి తీసుకెళ్లారు. యాత్రికులను సురక్షితంగా భైంసాకు తరలించే చర్యలు చేపట్టాలని విజ్ఞప్తి చేశారు. అక్కడి పోలీసు, రెవెన్యూ, ఆర్ఎస్ఎస్శ్రేణులు యాత్రికులకు వసతి కల్పించారు.
బుధవారం రెండు ప్రత్యేక బస్సుల్లో యాత్రికులను భైంసాకు పంపించారు. భైంసాలోని ఎస్ఎస్జిన్నింగ్ ఫ్యాక్టరీ వద్ద యాత్రికులకు ఎమ్మెల్యే స్వాగతం పలికారు. బస్సుల నుంచి దిగిన యాత్రికులు కుటుంబ సభ్యులు పట్టుకుని కన్నీళ్లు పెట్టారు. తీర్థయాత్రలో బస్సు అగ్ని ప్రమాదంలో సజీవ దహనమైన కుభీర్మండలం పల్సికి చెందిన శీలం దురుపతి కుటుంబాన్ని ఆదుకుంటామని ఎమ్మెల్యే హామీ ఇచ్చారు. తీర్థయాత్రకు వెళ్లిన దంపతుల్లో భర్త మృతి చెందగా.. భార్య ఎల్లుబాయి తిరిగి రాగా.. ఆమె కన్నీళ్లు పెట్టడంతో ఎమ్మెల్యే ఓదార్చారు. ఆ తర్వాత యాత్రికులకు భోజన వసతి కల్పించి స్వస్థలాలకు పంపించారు. కాగా.. యూపీకి చెందిన బస్సు డ్రైవర్లను ఎమ్మెల్యే సన్మానించి నగదును బహుమతిగా అందించారు.
