- బస్సులో 45 మంది.. ముగ్గురికి తీవ్ర గాయాలు
- యాదాద్రి జిల్లా చౌటుప్పల్ మండలంలో ప్రమాదం
చౌటుప్పల్, వెలుగు : బ్రేక్‌‌‌‌లు ఫెయిల్‌ కావడంతో ఆర్టీసీ బస్సు బోల్తా పడి ముగ్గురికి తీవ్ర గాయాలు అయ్యాయి. యాదాద్రి జిల్లా చౌటుప్పల్ పోలీస్‌‌‌‌స్టేషన్‌ పరిధిలో సోమవారం ఈ ప్రమాదం జరిగింది. సీఐ మన్మధకుమార్‌ వివరాల ప్రకారం.. మిర్యాలగూడ డిపోకు చెందిన బస్సు 45 మంది ప్రయాణికులతో హైదరాబాద్ నుంచి మిర్యాలగూడకు వెళ్తోంది.
చౌటుప్పల్ మండలం బొర్రోళ్లగూడెం స్టేజీ వద్దకు రాగానే బస్సు బ్రేక్‌‌‌‌లు ఫెయిల్‌ కావడంతో అదుపుతప్పి హైవేపై పక్కన పల్టీ కొట్టింది. దీంతో బస్సులో ఉన్న బొప్పని విజయ, మారుపాక అనిత, పుష్పక అండాలు తీవ్రంగా గాయపడగా, మిగతా వారికి స్వల్ప గాయాలు అయ్యాయి. గాయపడిన వారికి స్థానికులు చౌటుప్పల్ ప్రభుత్వ హాస్పిటల్‌‌‌‌కు తరలించారు. ఎలాంటి ప్రాణనష్టం జరగకపోవడంతో ప్రయాణికులు ఊపిరి పీల్చుకున్నారు. ఘటనపై కేసు నమోదు చేసినట్లు సీఐ తెలిపారు.
