భిక్కనూరు, వెలుగు : ప్రమాదాలు జరిగే అవకాశం ఉండడంతో బైపాస్ రోడ్డుపై ఆర్టీసీ బస్సులు నిలపొద్దని ప్రయాణికులు కోరుతున్నారు. ఇటీవల రాష్ట్ర ప్రభుత్వం మహాలక్ష్మి పథకం కింద మహిళలకు ఉచిత బస్సు ప్రయాణం కల్పించడంతో మహిళలు భారీ సంఖ్యలో ప్రయాణిస్తున్నారు. దీంతో అడిగిన చోట్లా బస్సులను ఆపుతున్నారు.ఈ క్రమంలోనే మండలంలోని బీటీఎస్ చౌరస్తాలో ప్యాసింజర్స్ దిగేందుకు బైపాస్పైనే ఆర్టీసీ బస్సులు నిలుపుతున్నారు.
దీంతో ప్రయాణికులు రోడ్డు దాటే క్రమంలో ఎక్కడ ప్రమాదం జరుగుతుందోనని భయపడుతున్నారు. హైవే ఆఫీసర్లు ఎన్ని కట్టుదిట్టమైన చర్యలు తీసుకుంటున్నా ఆర్టీసీ సిబ్బంది రూల్స్ పాటించడం లేదు. ఇప్పటికైనా అధికారులు స్పందించి బైపాస్పై బస్సులు ఆపకుండా చర్యలు తీసుకోవాలని కోరుతున్నారు.
