న్యూఢిల్లీ: కొత్త సంవత్సరంలో మొదటివారం దలాల్స్ట్రీట్ బిజీగా ఉండనుంది. ఈవారంలో మూడు కంపెనీలు ఐపీఓకు రానున్నాయి. ఆరు కంపెనీలు మార్కెట్లో లిస్ట్ కానున్నాయి. ఫార్మ్ఎక్విప్మెంట్, ట్రాక్టర్ల తయారీదారులు ఇండో ఫార్మ్ఎక్విప్మెంట్లిమిటెడ్ ఐపీఓ ఈ నెల 31న మొదలవుతుంది. వచ్చే నెల రెండో తేదీన ముగుస్తుంది. ఐపీఓలో రూ.184.90 కోట్ల విలువైన ఫ్రెష్ఇష్యూ, రూ.75.25 కోట్ల విలువైన ఓఎఫ్ఎస్ ఉంటుంది. ప్రైస్ బ్యాండ్ను 204–215 మధ్య నిర్ణయించారు. కెమికల్స్, డైలు తయారు చేసే టెక్నికెమ్ఆర్గానిక్స్ ఎస్ఎంఓ ఐపీఓ కూడా ఈ నెల 31న మొదలవుతుంది. వచ్చే నెల రెండో తేదీన ముగుస్తుంది.
ప్రైస్బ్యాండ్ను రూ. 52–55 మధ్య నిర్ణయించారు. కనీసం రెండు వేల షేర్లకు దరఖాస్తు చేయాలి. మూడో ఐపీఓ లియో డ్రైఫ్రూట్స్ అండ్స్పైస్ ట్రేడింగ్ కంపెనీది. జనవరి 1–3 తేదీల్లో ఐపీఓ కోసం దరఖాస్తు చేసుకోవచ్చు. వచ్చే నెల 8న లిస్టింగ్ ఉంటుంది. ఐపీఓ ద్వారా కంపెనీ రూ.25.12 కోట్లు సేకరిస్తుంది. ప్రైస్బ్యాండ్ను రూ. 51–52 మధ్య నిర్ణయించారు. ఈ కొత్త ఐపీఓలతో పాటు, ఈ వారం మూడు మెయిన్ బోర్డ్ పబ్లిక్ ఆఫర్‌‌‌‌లు మార్కెట్‌‌‌‌లోకి ప్రవేశిస్తాయి. వెంటివ్ హాస్పిటాలిటీ లిమిటెడ్, సెనోర్స్ ఫార్మాస్యూటికల్స్ లిమిటెడ్, కరారో ఇండియా లిమిటెడ్ షేర్లు లిస్టవుతాయి. యూనికెమ్ ఏరోస్పేస్ లిస్టింగ్ డిసెంబర్ 31న ఉంటుంది. అన్యా పాలిటెక్, సిటీకెమ్ ఇండియా లిమిటెడ్ లిస్టింగ్స్ వరుసగా జనవరి 2, 3 తేదీల్లో ఉంటాయి.
