ఒక్కొక్కరిదీ ఒక్కో టాలెంట్. అందరూ చేతులతో కీబోర్డ్ టైపింగ్ చేస్తారు. కానీ, ఇతను ముక్కుతో టైపింగ్ చేస్తాడు. అది కూడా చాలా వేగంగా. ఆ టాలెంట్కి గిన్నిస్ వరల్డ్ రికార్డ్ సొంతమైంది. ఒకసారి కాదు.. మూడుసార్లు తన రికార్డు తనే బ్రేక్ చేశాడు. అతని పేరు వినోద్ కుమార్ చౌధరి. వయసు 44 ఏండ్లు.
వినోద్ కుమార్ ‘ఫాస్టెస్ట్ టైమ్ టు టైప్ ది ఆల్ఫాబెట్ విత్ ది నోస్’ అనే టైటిల్ కోసం ఈ ఫీట్ చేశాడు. ముక్కుతో 27.80 సెకండ్లు టైపింగ్ చేసి రికార్డ్ సాధించాడు. గతంలో 25.66 సెకండ్లు ముక్కుతో టైపింగ్ చేశాడు. అంతటితో ఆగకుండా మరోసారి ట్రై చేసి 26. 73 సెకండ్లు టైపింగ్ చేశాడు. అది సరే కానీ ఇంతకీ ఏం టైప్ చేశాడేంటి? అంటున్నారా... ఇదిగో ఇలా QWERTY కీబోర్డ్లో రోమన్ ఆల్ఫాబెట్స్ A-– Z టైప్ చేశాడు.
ఒక్కో లెటర్కి మధ్య స్పేస్ కూడా ఇచ్చాడు. అందుకుగాను ‘టైపింగ్ మ్యాన్ ఆఫ్ ఇండియా’గా గిన్నిస్ వరల్డ్ రికార్డ్లకు ఎక్కాడు. అంతేకాదు.. ఒక్క చేత్తో ఆల్ఫాబెట్స్ని వెనక నుంచి ముందుకు 5.36 సెకండ్లలో టైప్ చేస్తాడు. అలాగే రివర్స్లో కూర్చుని, చేతులతో ఆల్ఫాబెట్స్ని 6.78 సెకండ్లలో టైప్ చేస్తాడు.
‘‘నా ప్రొఫెషన్ టైపింగ్. అందుకే టైపింగ్లో రికార్డ్ క్రియేట్ చేయాలనే ఆలోచన వచ్చింది. దీనికోసం గంటలకొద్దీ ప్రాక్టీస్ చేశా. గంటల తరబడి ప్రాక్టీస్ చేస్తున్నప్పుడు కొన్నిసార్లు నిద్ర వచ్చినట్టు అనిపించేది కూడా. వాటన్నింటినీ దాటుకుని నేను సక్సెస్ కావడానికి మెడిటేషన్ బాగా ఉపయోగపడింది. రోజూ మెడిటేషన్ చేస్తా. సచిన్ టెండూల్కర్లా నా రికార్డ్లు నేనే బ్రేక్ చేయాలనుకున్నా. అది సాధించగలిగినందుకు చాలా సంతోషంగా ఉంది” అన్నాడు వినోద్.
మినీ శాండ్విచ్!
నదియా మిచౌక్స్ అనే మినియేచర్ ఆర్టిస్ట్. ఆమె చేతి వేలి గోటి మీద సరిపోయే సైజ్లో ఫిష్ ఫింగర్ శాండ్విచ్ తయారుచేసింది. గోటిమీద అంటే ఎంత చిన్న సైజ్లో ఉందో అర్ధమయ్యే ఉంటుంది కదా! దాన్ని తినాలన్నా, చూడాలన్నా మైక్రోస్కోప్ కావాల్సిందే. అంత చిన్న శాండ్విచ్ తయారీకి ఆమెకి వంద గంటల సమయం పట్టిందట. ఈ మినీ శాండ్విచ్ పొడవు సెంటిమీటర్ కంటే తక్కువే.
సరిగ్గా చెప్పాలంటే 8 మిల్లీమీటర్ల ఎత్తు.16/15 మిల్లీమీటర్ల వెడల్పు. బరువు ఒక బటానీ గింజంత. దీనిని తయారు చేయించింది బర్డ్స్ ఐ కంపెనీ. ఇంతకు ముందు టాలెస్ట్ శాండ్విచ్ తయారు చేసింది ఈ కంపెనీ.
