బాలానగర్, వెలుగు: మంచి చేసే ప్రభుత్వాన్ని ప్రజలు వదులుకోవద్దని జడ్చర్ల బీఆర్ఎస్ అభ్యర్థి, మాజీ మంత్రి సి.లక్ష్మారెడ్డి సూచించారు. శుక్రవారం ఆయన బాలానగర్ మండలంలోని రూప్ సింగ్ తండా, గుండేడ్, పంచంగులగడ్డతండా, జీడిగుట్టతండా, జాలుగడ్డతండా, ఊటకుంటతండా, వాయలకుంటతండా, బావాజీతండాలలో ఎన్నికల ప్రచారం నిర్వహించారు. గ్రామ ప్రజలు ఆయనకు ఘన స్వాగతం పలికారు.
ఈ సందర్భంగా ఆయన మాట్లాడుతూ కేసీఆర్ హయాంలోనే జడ్చర్ల అభివృద్ధి జరిగిందన్నారు. అభివృద్ధి చూసి ఓటు వేయాలని కోరారు. కాగా, లక్ష్మారెడ్డి తరఫున ఆయన కుమారుడు స్వరణ్ రెడ్డి నవాబుపేట మండలంలోని కొల్లూరు, పోమాల్ గ్రామాల్లో ఇంటింటికీ తిరిగి బీఆర్ఎస్ పార్టీకి ఓట్లు వేయాలని కోరారు. కూతురు జడ్చర్ల మున్సిపాలిటీలో ఇంటింటి ప్రచారం నిర్వహించారు.
