- ఢిల్లీలో నడిరోడ్డుపై కత్తులతో పొడిచి చంపిన యువకులు
న్యూఢిల్లీ: దేశ రాజధాని ఢిల్లీలో ఘోరం జరిగింది. ఓ క్యాబ్ డ్రైవర్ రూ.400 చార్జి అడిగినందుకు ఐదుగురు యువకులు నడిరోడ్డుపై కత్తితో పొడిచి చంపారు. ఈశాన్య ఢిల్లీలోని సోనియా విహార్ఏరియాలో ఈ నెల 17 అర్ధరాత్రి ఈ ఘోరం చోటు చేసుకుంది. పుస్తా సమీపంలో రక్తం మడుగులో పడి ఉన్న ట్యాక్సీ డ్రైవర్ సందీప్ సోనియాను పోలీసులు గుర్తించి ఆస్పత్రికి తరలించారు. ఈ దారుణానికి సంబంధించిన వివరాలు అడిగి తెలుసుకున్నారు. దీపాన్షు అలియాస్ అషు, రాహుల్, మయాంక్ను నోయిడానుంచి సందీప్ తన క్యాబ్లో తీసుకొచ్చాడు.
పుస్తా 2కు చేరుకున్నాక రూ.400 చార్జ్ అడిగాడు. దీంతో వారిమధ్య వాగ్వాదం జరిగింది. ఈ గొడవ సమయంలో దీపాన్షు సహచరుల్లో ఒకరైన నిఖిల్, మరో మైనర్ సందీప్ తల, పొత్తికడుపుపై కత్తితో పొడిచారు. అనంతరం చికిత్స పొందుతూ సందీప్ మృతి చెందినట్టు పోలీసులు తెలిపారు. ప్రతీక్ పేరుతో నిందితులు క్యాబ్ను బుక్ చేసినట్టు పోలీసులు గుర్తించారు. దీంతో ప్రతీక్ అనే యువకుడిని పోలీసులు అదుపులోకి తీసుకొని, విచారించారు. ఈ నెల 17న దీపాన్షు, రాహుల్, మయాంక్, నిఖిల్, ఓ మైనర్తో కలిసి మద్యం తాగినట్టు ప్రతీక్ వెల్లడించాడు. అనంతరం దీపాన్షు, రాహుల్, మయాంక్కు పుస్తాకు క్యాబ్ బుక్ చేసినట్టు తెలిపాడు.
