- ఏర్పాటుకు క్యాబినెట్లో ఆమోదం
- ఎన్నికల హామీ నెరవేర్చిన మంత్రి తుమ్మల
- కొత్తగూడెం అభివృద్ధిలో ఇది కీలక అడుగు అని ఎమ్మెల్యే వెల్లడి
భద్రాద్రికొత్తగూడెం, వెలుగు : కొత్తగూడెం కార్పొరేషన్కు క్యాబినెట్ఒకే చెప్పింది. శనివారం జరిగిన క్యాబినెట్ మీటింగ్లో కొత్తగూడెం, పాల్వంచ మున్సిపాలిటీలతో పాటు సుజాతనగర్ మండలంలోని ప్లేన్ ఏరియాలుగా ఉన్న సుజాతనగర్, నర్సింహ సాగర్, కొమిటిపల్లి, నిమ్మలగూడెం, లక్ష్మీదేవిపల్లి, మంగపేట పంచాయతీలను కలుపుతూ కొత్తగూడెం కార్పొరేషన్ ఏర్పాటు చేసేందుకు ఆమోదం లభించింది. అసెంబ్లీ, పార్లమెంట్ఎన్నికలకు ముందు ఇచ్చిన హామీలను మంత్రి తుమ్మల నెరవేర్చారు. ఎమ్మెల్యే కూనంనేని పట్టుబట్టి సాధించారు.
మొదట ఇలా..
కొత్తగూడెం, పాల్వంచ మున్సిపాలిటీలతో పాటు సుజాతనగర్, చుంచుపల్లి, లక్ష్మీదేవిపల్లి మండలాల్లోని పలు గ్రామాలను కలుపుతూ కొత్తగూడెం మున్సిపల్ కార్పొరేషన్ ఏర్పాటు చేసేందుకు మొదటగా ఎమ్మెల్యే కూనంనేని సాంబశివరావుతో పాటు ఆఫీసర్లు ప్లాన్ చేశారు. కాగా లక్ష్మీదేవిపల్లి, చుంచుపల్లి మండలంలోని గ్రామాలు ఏజెన్సీలో ఉండడంతో ఏజెన్సీ చట్టాలు అడ్డం అయ్యే అవకాశం ఉందని గుర్తించారు. ఎవరైనా కోర్టుకు వెళ్తే కార్పొరేషన్ ఏర్పాటులో జాప్యం జరుగుతుందని ఉన్నతాధికారులు ఎమ్మెల్యేతో పాటు ఆఫీసర్లకు సూచించారు.
దీంతో ప్లాన్మార్చారు. కొత్తగూడెం, పాల్వంచ మున్సిపాలిటీలతో పాటు సుజాతనగర్లోని ఏడు పంచాయతీలతో కార్పొరేషన్ ఏర్పాటు చేయాలని కోరుతూ ప్రభుత్వానికి ఆఫీసర్లతో పాటు ఎమ్మెల్యే ఇటీవల ప్రతిపాదనలు పంపారు. దీంతో కార్పొరేషన్ ఏర్పాటుకు మార్గం ఏర్పడింది.
పట్టుబట్టారు.. హామీ నెరవేర్చారు..
కొత్తగూడెం నియోజకవర్గం నుంచి కాంగ్రెస్ మద్దతుతో సీపీఐ నుంచి కూనంనేని సాంబశివరావు అసెంబ్లీ ఎన్నికల్లో పోటీ చేశారు. ఈ సందర్భంగా జరిగిన ఎన్నికల ప్రచారంలో తాము అధికారంలోకి వస్తే కొత్తగూడెం, పాల్వంచ మున్సిపాలిటీలను కలుపుతూ కార్పొరేషన్ ఏర్పాటు చేస్తామని తుమ్మల నాగేశ్వరావుతో పాటు ఎమ్మెల్యే కూనంనేని ప్రజలకు హామీ ఇచ్చారు. ఎమ్మెల్యేగా సాంబశివరావును భారీ మెజార్టీతో ప్రజలు గెలిపించారు.
ALSO READ : ఏడాది పాలనలో ఆర్టీసీ కొంత పుంతలు: ఫ్రీ జర్నీపై రూ.4,225 కోట్లు ఖర్చు
అనంతరం జరిగిన పార్లమెంట్ఎన్నికల్లోనూ కార్పొరేషన్ ఏర్పాటుపై డిప్యూటీ సీఎం భట్టి విక్రమార్కతో పాటు మంత్రులు తుమ్మల నాగేశ్వరరావు, పొంగులేటి శ్రీనివాసరెడ్డితో నియోజకవర్గ ప్రజలకు ఎమ్మెల్యే కూనంనేని హామీ ఇప్పించారు. పార్లమెంట్ ఎన్నికల్లోనూ కాంగ్రెస్అభ్యర్థి రామసహాయం రఘురాంరెడ్డికి ప్రజల పట్టం కట్టారు. అప్పటి నుంచి కార్పొరేషన్ఏర్పాటుపై సీఎం, డిప్యూటీ సీఎం, జిల్లా ఇన్చార్జి మంత్రితో పాటు మంత్రులు తుమ్మల, పొంగులేటి ఫోకస్ పెట్టారు. ఎట్టకేలకు కార్పొరేషన్ సాధించారు.
పాల్వంచకు ఎన్నికల కల..
దాదాపు 25 ఏండ్లుగా పాల్వంచ మున్సిపాలిటీకి ఎన్నికలు జరగడం లేదు. పలు రకాల కేసులతో మున్సిపాలిటీలో ఎన్నికలను ప్రభుత్వం నిర్వహించడం లేదు. కార్పొరేషన్ ఏర్పాటుతో పాల్వంచ మున్సిపల్ ప్రజలు ఎన్నికల్లో పాల్గొననున్నారు.
ఎమ్మెల్యే హర్షం..
కొత్తగూడెం కార్పొరేషన్ ఏర్పాటుకు క్యాబినెట్ఒకే చెప్పడంపై ఎమ్మెల్యే కూనంనేని సాంబశివరావు హర్షం వ్యక్తం చేశారు. సీఎం రేవంత్రెడ్డి, డిప్యూటీ సీఎం భట్టి విక్రమార్క, మంత్రులు కొమటిరెడ్డి వెంకటరెడ్డి, తుమ్మల నాగేశ్వరరావు, పొంగులేటి శ్రీనివాసరెడ్డికి కృతజ్ఞతలు తెలిపారు. కార్పొరేషన్ ఏర్పాటులో కీలకంగా వ్యవహరించిన సీనియర్ ఐఏఎస్ ఆఫీసర్లు దాన కిషోర్, గౌతమ్, శ్రీదేవి, కలెక్టర్ జితేశ్వి పాటిల్, ఆర్డీవో మధుకు ధన్యవాదాలు తెలిపారు. కార్పొరేషన్ ఏర్పాటుతో కొత్తగూడెం, పాల్వంచతో పాటు సుజాతనగర్ అభివృద్ధిలో పరుగు పెడుతుందన్నారు.
