- జూపార్కులోకి స్కైవాక్ కనెక్టివిటీ
- పీపీపీ పద్ధతిలో నిర్మాణానికి హెచ్ఎండీఏ ప్లాన్
- ఔత్సాహిక నిర్మాణ కంపెనీలకు ఆహ్వానం
హైదరాబాద్, వెలుగు: గ్రేటర్ పరిధిలో మరో కేబుల్బ్రిడ్జిని నిర్మించాలని హెచ్ఎండీఏ ప్లాన్చేస్తోంది. ఇప్పటికే ఐటీ కారిడార్లోని దుర్గం చెరువుపై నిర్మించిన కేబుల్ బ్రిడ్జి సిటీకి ఐకాన్గా మారింది. ఇదే తరహాలో పాతబస్తీలోని మీర్ఆలం చెరువుపై కేబుల్ బ్రిడ్జిని నిర్మించాలని హెచ్ఎండీఏ అధికారులు సన్నాహాలు చేస్తున్నారు. దుర్గం చెరువుపై 233 మీటర్ల మేర రూ.184 కోట్ల ఖర్చుతో ఆరు లేన్ల(ఒక్కో వైపు మూడు లేన్లు) రోడ్లతో కేబుల్బ్రిడ్జిని నిర్మించగా, మీర్ఆలం చెరువుపై 2.65 కి.మీ.
మేర బెంగళూరు హైవే(ఎన్ హెచ్44) నుంచి చింతల్మెట్రోడ్వరకు నిర్మించాలని నిర్ణయించారు. ఇక్కడ కూడా ఆరు లేన్ల(ఒక్కో వైపు మూడు లేన్లు) రోడ్లను ప్రతిపాదించారు. అయితే ఈ ప్రాజెక్టును ప్రభుత్వ, ప్రైవేట్ పార్ట్నర్షిప్(పీపీపీ)లో చేపట్టేందుకు ప్లాన్చేశారు. ఈ బ్రిడ్జి పూర్తయితే మీర్ఆలం లేక్ పర్యాటకంగా అభివృద్ధి చెందనుంది. మరోపై ట్రాఫిక్ సమస్యకు చెక్పడనుంది. అలాగే జూపార్కుకు వచ్చే సందర్శకుల కోసం కేబుల్ బ్రిడ్జిని ఆనుకుని డెక్అండ్స్కైవాక్ కనెక్టిటీ ఏర్పాటు చేయాలని అధికారులు భావిస్తున్నారు.
ఇప్పటికే ఆయా కంపెనీల నుంచి రిక్వెస్ట్ఫర్ ప్రపోజల్ పిలిచారు. ట్రాన్సాక్షన్అండ్అడ్వయిజర్కమ్ ఏరియా డెవలప్మెంట్ప్లాన్కోసం అధికారులు కన్సల్టెంట్ ను నియమించారు. ఆరు లేన్ల బ్రిడ్జి, మీర్ఆలం చెరువు బ్యూటిఫికేషన్, లేక్ఫ్రంట్డెవలప్మెంట్, ఇతర సౌకర్యాల కల్పన పనులను పీపీపీ పద్దతిలో చేపట్టడానికి టెక్నికల్, ఫైనాన్షియల్ బిడ్స్ను ఆగస్టు 5వ తేదీలోపు అందజేయాలని ఆయా కంపెనీలను అధికారులు కోరారు.
బీఓటీ పద్ధతిలో..
ఈ ప్రాజెక్ట్ను బిల్డ్ఆపరేట్ట్రాన్స్ఫర్(బీఓటీ) పద్ధతిలో నిర్మించేందుకు ముందుకు వచ్చే కంపెనీల ఎన్నికలో హెచ్ఎండీఏకు ట్రాన్సాక్షన్ అడ్వయిజర్కమ్ ఏరియా డెవలప్మెంట్ ప్లాన్ కన్సల్టెంట్స్సహరిస్తారు. ఇప్పటికే కన్సల్టెన్సీ సంస్థ లేక్ డెవలప్మెంట్, టూరిజం, సైకిల్ట్రాక్స్, పెడస్ట్రియన్ట్రాక్స్పై కొన్ని డిజైన్లను అధికారులకు సమర్పించింది.
త్వరలో ఓవరాల్ లేక్ డెవలప్మెంట్పై కన్సల్టెంట్ సంస్థ ఆయా కంపెనీలకు డిజైన్కాంపిటీషన్ నిర్వహించనుంది. కంపెనీల నుంచి అందే డిజైన్లు, ప్రతిపాదనలను బట్టి అధికారులు తుది నిర్ణయం తీసుకోనున్నారు. ప్రాజెక్టుకు సంబంధించిన నమూనా ఫొటోలను హెచ్ఎండీఏ గురువారం విడుదల చేసింది.
