- యూత్ ఎక్కువగా వీగన్ఫుడ్ పై ఇంట్రెస్ట్
- వెజ్ లోనూ పలు రకాల ఫుడ్ వెరైటీస్
- నాన్ వెజ్ కు సమానంగా ఫైబర్, ప్రోటీన్స్
హైదరాబాద్, వెలుగు : సిటీలో వీగన్స్ పెరిగిపోతున్నారు. ఈ డైట్ను ఎక్కువమంది ఫాలో అవుతున్నారు. రెగ్యులర్ గా తినే కూరగాయలు, ఆకు కూరలను వీగన్స్ స్ర్టిక్ట్గా తీసుకుంటుంటారు. జంతు సంబంధ ఉత్పత్తులతో తయారైన పదార్థాలు, వస్తువులను తీసుకోని, వాడని వాళ్లను వీగన్స్ గా పరిగణిస్తుంటారు. వీరికోసం రెస్టారెంట్స్కూడా ఎక్కువగా ఏర్పాటవుతున్నాయి. ఇప్పటికే పదుల సంఖ్యలో కెఫేలు, రెస్టారెంట్లు అందుబాటులో ఉన్నాయి.
పుష్కలంగా ఫైబర్, ప్రోటీన్స్
జంతువులకు హాని తలపెట్టడం, వాటిపై క్రూరత్వం చూపడం, పర్యావరణానికి హాని కలిగించే ఏ పదార్థాన్ని తీసుకోకపోవడమే వీగనిజం. దీనికోసం ప్రత్యేకంగా ఏమి చేయనక్కర్లేదు. మాంసం, పాల ఉత్పత్తులతో తయారైన ఉత్పత్తులను తీసుకోకుండా ఉండేవారు. ఆకు కూరలు, కూరగాయలను తీసుకోవడమే వీగనిజం. ఇలాంటి ఫుడ్తీసుకుంటే సరైన ప్రోటీన్స్అందవనే అపోహ ఉంటుంది. కానీ మాంసం, పాలు తీసుకోకుండా కూడా ప్రోటీన్స్, ఫైబర్అదేస్థాయిలో అందుతాయి. బచ్చలికూర, పాలకూర, బఠానీలు, సోయా, బ్రౌన్ రైస్, హోల్వీట్బ్రెడ్లాంటి ప్రొడక్ట్స్నుంచి ఎక్కువ స్థాయిలో ఫైబర్, ప్రోటీన్లు సమకూరుతాయి. బాదం పాలు, సోయా పాలు, కొబ్బరి పాలు తదితర వాటి నుంచి డైరీ ఉత్పత్తులకు ఆల్టర్నేటివ్గా తీసుకుంటారు. వీగన్ఫుడ్ఇన్సులిన్, ఫైబర్స్థాయిని కూడా పెంచుతుందని, కొవ్వు తక్కువగా ఉండటం వల్ల గుండెజబ్బులు రావని నిపుణులు చెబుతున్నారు.
డిఫరెంట్ ఫుడ్ ఐటమ్స్
వీగన్ ఫుడ్ డైట్తో సిటీలో పదుల సంఖ్యలో కెఫేలు, రెస్టారెంట్స్ఉన్నాయి. నాన్వెజ్ఐటమ్స్కు ఏమాత్రం తీసిపోని విధంగా వీగన్ఫుడ్ను అందుబాటులో ఉంచుతారు రెస్టారెంట్స్నిర్వాహకులు. వీగన్పిజ్జాలు, సీడ్స్ నుంచి తీసిన మిల్క్ తో ఐస్క్రీమ్స్, నానో చీజ్ సాస్, ఓట్ సాస్కేక్స్, వీగన్బటర్, పీనట్ బటర్, ఫ్రెష్సమ్మర్ రోల్స్, క్రిస్పీ మోక్చికెన్65, స్ట్రాబెరీ మౌజీ కేక్, బేక్డ్జావెట్పొటాటోస్ తదితర వీగన్ ఫుడ్స్ రెస్టారెంట్లలో అందుబాటులో ఉన్నాయి. వీగన్స్ సంఖ్య కూడా పెరిగిపోతుందని కెఫే, రెస్టారెంట్స్ నిర్వాహకులు పేర్కొంటున్నారు. ఈ డైట్ను యూత్ ఎక్కువగా ఫాలో అవుతున్నారంటున్నారు. అందుకు తగినట్టుగా రెస్టారెంట్ల సంఖ్య కూడా పెరుగుతుంది.
ప్రజల్లో అవేర్నెస్ రావాలి
12 ఏండ్ల కిందట వీగన్గా మారా. యానిమల్స్ పై అమితమైన ప్రేమే ఇందుకు కారణం. నా తర్వాత ఇంట్లో వాళ్లు కూడా వీగన్స్అయ్యారు. ఇది ఎవరి కోసమో కాదు. మన హెల్త్ కోసం. దీనిపై ప్రజల్లో అవేర్నెస్ రావాలి. వీగన్గా మారడం ఆరోగ్యకరం కూడా. ఈ ఫుడ్లో కొలెస్ట్రాల్ ఉండదు. గుండె జబ్బులు దరిచేరవు.
- దీపిక, వీగన్
నేచురల్ బాడీ బిల్డర్ను..
చిన్నప్పటి నుంచే నాన్వెజ్ తినను. 14 ఏండ్ల వయసు నుంచి డైరీ ప్రోడక్ట్స్ కూడా తీసుకోవడం ఆపేశా. బాడీ బిల్డింగ్ నా డ్రీమ్. వీగన్గా సాధించలేవు అని చాలామంది నిరుత్సాహ పరిచారు. కానీ ఏండ్ల పాటు కష్టపడి సాధించా. నేచురల్ బాడీ బిల్డర్గా ఎన్నో పతకాలు సాధించా. నాన్వెజ్, సప్లిమెంట్స్తీసుకోకుండా 30 రకాల నట్స్, 32 రకాల పప్పులతో చేసిన పౌడర్స్ను తీసుకుంటున్నా.
- వెంకట్, వీగన్ బాడీ బిల్డర్
