వెల్లింగ్టన్‌: న్యూజిలాండ్‌‌‌‌‌‌‌‌‌‌‌‌‌‌‌‌తో ప్రారంభమైన తొలి టెస్ట్‌‌‌‌‌‌‌‌‌‌‌‌‌‌‌‌లో ఆస్ట్రేలియా తడబడి కోలుకుంది. కామెరూన్‌ గ్రీన్‌ (103 బ్యాటింగ్‌) సెంచరీతో చెలరేగడంతో.. తొలి రోజు ఆట ముగిసే టైమ్‌‌‌‌‌‌‌‌‌‌‌‌‌‌‌‌కు ఆసీస్‌ తొలి ఇన్నింగ్స్‌‌‌‌‌‌‌‌‌‌‌‌‌‌‌‌లో 85 ఓవర్లలో 279/9 స్కోరు చేసింది. గ్రీన్‌‌‌‌‌‌‌‌‌‌‌‌‌‌‌‌తో పాటు హాజిల్‌‌‌‌‌‌‌‌‌‌‌‌‌‌‌‌వుడ్‌ (0 బ్యాటింగ్‌) క్రీజులో ఉన్నాడు. టాస్‌ ఓడి బ్యాటింగ్‌‌‌‌‌‌‌‌‌‌‌‌‌‌‌‌కు దిగిన కంగారూలను కివీస్‌ బౌలర్లు ఇబ్బందిపెట్టారు. ఓపెనర్లు స్మిత్‌ (33), ఉస్మాన్‌ ఖవాజ (33) తొలి వికెట్‌‌‌‌‌‌‌‌‌‌‌‌‌‌‌‌కు 61 రన్స్‌ జోడించారు.
అయితే లబుషేన్‌ (1), ట్రావిస్‌ హెడ్‌ (1) నిరాశపర్చడంతో ఆసీస్‌ 89 రన్స్‌‌‌‌‌‌‌‌‌‌‌‌‌‌‌‌కే 4 వికెట్లు కోల్పోయింది. ఈ దశలో గ్రీన్‌.. మిచెల్‌ మార్ష్‌ (40) ఐదో వికెట్‌‌‌‌‌‌‌‌‌‌‌‌‌‌‌‌కు 67, క్యారీ (10)తో ఆరో వికెట్‌‌‌‌‌‌‌‌‌‌‌‌‌‌‌‌కు 20, స్టార్క్‌ (9)తో ఏడో వికెట్‌‌‌‌‌‌‌‌‌‌‌‌‌‌‌‌కు 35, కమిన్స్‌ (16)తో ఎనిమిదో వికెట్‌‌‌‌‌‌‌‌‌‌‌‌‌‌‌‌కు 33, లైయన్‌ (5)తో తొమ్మిదో వికెట్‌‌‌‌‌‌‌‌‌‌‌‌‌‌‌‌కు 23 రన్స్‌ జత చేశాడు. హెన్రీ 4, విలియమ్‌, స్కాట్‌ కుగెలిన్‌ చెరో రెండు వికెట్లు తీశారు.
