భద్రాచలం, వెలుగు : సికిల్సెల్ అనీమియా వ్యాధి నివారణకు ఈనెల19 నుంచి జులై 3 వరకు ట్రైబల్ ఏరియాల్లో స్పెషల్ క్యాంపులను ఏర్పాటు చేయనున్నట్లు మినిస్టరీ ఆఫ్ ట్రైబల్వెల్ఫేర్ జాయింట్ సెక్రటరీ జయ తెలిపారు. గిరిజనులు తప్పనిసరిగా స్క్రీనింగ్ టెస్టులు చేసుకోవాలని సూచించారు. న్యూఢిల్లీ నుంచి సోమవారం కలెక్టర్లు, ఐటీడీఏ పీవోలతో వీడియో కాన్ఫరెన్స్లో ఆమె మాట్లాడారు.
గర్భిణీలు, గిరిజన పిల్లల కోసం స్పెషల్క్యాంపులు నిర్వహించాలని ఆదేశించారు. స్కూళ్లు, హాస్టళ్లు, పీహెచ్సీల్లో అవగాహన కార్యక్రమాలు చేపట్టాలన్నారు. రోజువారీ నివేదికలు పంపించాలని స్పష్టం చేశారు. ఉమ్మడి భద్రాద్రి జిల్లాలో 50 ఆశ్రమ పాఠశాలలు, 23 పీహెచ్సీలు, 30 హాస్టళ్లలో క్యాంపులు పెడుతున్నట్లు కలెక్టర్ జితేశ్ వి పాటిల్ వివరించారు.
