మరికల్, వెలుగు: మండలంలోని చిత్తనూర్ వద్ద ఇథనాల్ కంపెనీని రద్దు చేయాలని కోరుతూ బాధితులు చేస్తున్న రిలే దీక్షలు బుధవారం 75వ రోజుకు చేరుకున్నాయి. ఈ సందర్భంగా పాలమూరు అధ్యయన వేదిక కో కన్వీనర్ ఎం.సుదర్శన్ మాట్లాడుతూ ఇథనాల్ కంపెనీని రద్దు చేసేంత వరకు ఉద్యమం ఆగదని హెచ్చరించారు.
కంపెనీ రద్దు కోసం మద్దతు తెలపని పార్టీలకు వచ్చే ఎన్నికల్లో తగిన గుణపాఠం చెబుతామన్నారు. కంపెనీకి వ్యతిరేకంగా 75 రోజులుగా ఆందోళనలు చేయడం అభినందనీయమన్నారు. లక్ష్మయ్య, ఎం.వెంకట్రాములు, మహదేవ్, రాంచంద్రయ్య పాల్గొన్నారు.
