అశోక్నగర్లో అభ్యర్థుల మెరుపు ధర్నా
జీఓ నంబర్29ని సవరించాలని డిమాండ్
ముషీరాబాద్, వెలుగు: ఈ నెల 21 నుంచి మొదలుకానున్న గ్రూప్–1 మెయిన్స్పరీక్షలను వాయిదా వేయాలని పలువురు అభ్యర్థులు డిమాండ్ చేశారు. గతంలో ప్రిలిమ్స్ పరీక్షల్లోని తప్పులను సవరించాలని కోరారు. ఈ మేరకు బుధవారం రాత్రి అశోక్ నగర్ లో మెరుపు ధర్నాకు దిగారు. జీఓ నంబర్ 29ని సవరించిన తర్వాతనే మెయిన్స్పరీక్షలు నిర్వహించాలని డిమాండ్ చేశారు. ఒకేసారి వందల మంది అభ్యర్థులు రోడ్డెక్కడంతో భారీగా ట్రాఫిక్ జామ్ ఏర్పడింది.
పోలీసులు అక్కడికి చేరుకొని అభ్యర్థులను అరెస్ట్ చేసి వివిధ పోలీస్ స్టేషన్లకు తరలించారు. ఈ సందర్భంగా అభ్యర్థులు శివానంద స్వామి, జనార్దన్, ఇందిర నాయక్ మాట్లాడుతూ.. గ్రూప్–1 పరీక్షల్లో రిజర్వేషన్లు పాటించడం లేదని మండిపడ్డారు. జీఓ 29ని సవరించిన తర్వాతనే పరీక్షలు నిర్వహించాలని డిమాండ్ చేశారు. అరెస్టు చేసిన వారిని విడిచిపెట్టాలని విజ్ఞప్తి చేశారు.
