కడెం, వెలుగు: కవ్వాల్ టైగర్ రిజర్వు ఫారెస్ట్ లోని వన్యప్రాణులకు రానున్న వేసవిలో తాగు నీటి సమస్య తలెత్తకుండా చర్యలు చేపట్టాలని పీసీసీఎఫ్ డోబ్రియాల్ అటవీ అధికారులకు సూచించారు. కడెం మండలంలోని లక్ష్మీపూర్ అటవీ బీట్లో 50 మీటర్ల పొడవైన క్యానోపి వాక్ను ఆదివారం ఆయన ప్రారంభించారు. అనంతరం లక్ష్మీపూర్ గ్రాస్ ప్లాంట్ను పరిశీలించారు. అడవుల రక్షణ, వన్యప్రాణుల సంరక్షణకు తీసుకోవాల్సిన జాగ్రత్తలపై అటవీ అధికారులు, సిబ్బందికి సూచనలు చేశారు.
కవ్వాల్ టైగర్ రిజర్వ్ ఫారెస్ట్లో తునికాకు, ఇప్ప పువ్వు సేకరణ నిషేధమన్నారు. అటవీ భూముల ఆక్రమణకు పాల్పడ్డా, వన్యప్రాణులను వేటాడినా కఠిన చర్యలు తీసుకుంటామని హెచ్చరించారు. మైసంపేట రాంపూర్, గ్రామస్తుల కోసం కొత్త మద్దిపడగలో నిర్మి స్తున్న పునరావాస ఇండ్లను పరిశీలించి మౌలిక వసతులు కల్పించాలని ఆదేశించారు. ఎఫ్డీపీటీ శాంతారాం, డీఎఫ్ఓ రాంకిషన్ యాదవ్, ఎఫ్ డీఓ భవాని శంకర్, ఎఫ్ఆర్ఓ అనిత, డీఆర్ఓ సిద్ధార్థ, అటవీ అధికారులు, సిబ్బంది పాల్గొన్నారు.
