హైదరాబాద్ లో మద్యం సేవించి ఓ వ్యక్తి కారు నడపగా.. జనాలపైకి దూసుకెళ్లింది. నాంపల్లి రెడ్ హిల్స్ లోని నిలోఫర్ కేఫ్ వద్ద బుధవారం అర్ధరాత్రి కారు బీభత్సం సృష్టించింది. డ్రైవర్ ఫుల్ గా తాగి వేగంగా కారు నడపడంతో.. అదుపుతప్పి స్థానికులపైకి దూసుకెళ్లింది. ఈ ఘటనలో పలువురికి గాయాలు అయ్యాయి. కారు పూర్తిగా ధ్వంసమైంది. మద్యం మత్తులో కారు నడిపి వ్యక్తిని స్థానికులు చితకబాదారు. నాంపల్లి పోలీసులు ఘటన స్థలానికి చేరుకొని, కారు నడిపిన వ్యక్తిని అదుపులోకి తీసుకున్నారు.
