హైదరాబాద్: జూబ్లీహిల్స్లో కారు బీభత్సం సృష్టించింది. శుక్రవారం (మార్చి 14) ఉదయం అతి వేగంగా దూసుకొచ్చిన కారు.. జూబ్లీహిల్స్ రోడ్డు నెంబర్ 1లోని సినీహీరో బాలకృష్ణ ఇంటి ముందున్న ఫుట్ పాత్ పైకి దూసుకెళ్లింది. బాలకృష్ణ ఇంటి ఫెన్సింగ్ను ఢీకొట్టి ఆగిపోయింది. ప్రమాదంలో ఫెన్సింగ్తో పాటు.. కారు ముందు భాగం తుక్కుతుక్కు అయ్యింది.
మాదాపూర్ వైపు నుంచి జూబ్లీహిల్స్ రోడ్డు నెంబర్ 45 మీదుగా జూబ్లీహిల్స్ చెక్ పోస్ట్ వైపునకు వెళ్తుండగా ఈ ఘటన జరిగింది. కారు అతివేగంతో దూసుకురావడంతో రోడ్డుపై ఉన్న జనం పరుగులు తీశారు. కారు డ్రైవర్ నిద్రమత్తే ప్రమాదానికి కారణమని స్థానికులు చెబుతున్నారు. సమాచారం అందుకున్న పోలీసులు ఘటన స్థలానికి చేరుకుని పరిశీలించారు. ఈ ఘటనకు సంబంధించిన పూర్తి వివరాలు తెలియాల్సి ఉంది.
