హైదరాబాద్ బంజారాహిల్స్ రోడ్ నెంబర్ 14 లో కారు బీభత్సం సృష్టించింది. కేబీఆర్ పార్క్ ఫుట్ పాత్ పై ప్రహరీ గ్రిల్స్ ధ్వంసం చేసుకుంటూ చెట్టును ఢీకొట్టింది. కారు ఎయిర్ బెలూన్స్ ఓపెన్ కావడంతో ప్రమాదం తప్పింది. కారును అక్కడే వదిలి డ్రైవర్ పరారయ్యాడు.
ఘటనా స్థలానికి చేరుకున్న బంజారాహిల్స్ పోలీసులు క్రేన్ సాయంతో వాహనాన్ని అక్కడి నుంచి పీఎస్ కు తరలించారు. కేసు నమోదు చేసి దర్యాప్తు చేస్తున్నారు. కారు ఎవరిది మద్యం మత్తులో ప్రమాదం జరిగిందా లేదా అతివేగంతో ప్రమాదం జరిగిందా అనే కోణంలో దర్యాప్తు చేస్తున్నారు.
