- మహబూబ్నగర్ జిల్లా దేవరకద్ర మండలం పెద్ద గోపాల్ పూర్ వద్ద ఘటన
చిన్నచింతకుంట, వెలుగు : ముందు వెళ్తున్న వెహికల్‌‌‌‌ను ఓవర్ టేక్ చేయబోయిన కారు ఎదురుగా వస్తున్న టిప్పర్ను ఢీకొట్టింది. ఈ ప్రమాదంలో ఇద్దరు చనిపోగా, నలుగురికి తీవ్ర గాయాలయ్యాయి. మహబూబ్నగర్ జిల్లా దేవరకద్ర ఎస్‌‌‌‌ఐ నాగన్న కథనం మేరకు వివరాలు ఇలా ఉన్నాయి. కర్నాటకకు చెందిన కొందరు ప్రయాణికులు కారులో రాయచూర్ వైపు వెళ్తుండగా.. దేవరకద్ర మండలం పెద్ద గోపాల్ పూర్ వద్ద ముందు వెళ్తున్న వెహికిల్‌‌‌‌ను ఓవర్ టేక్ చేయబోయారు. ఈ క్రమంలో ఎదురుగా శక్తి నగర్ నుంచి బొగ్గు లోడుతో మహబూబ్నగర్ వైపు వస్తున్న టిప్పర్ను ఢీ కొట్టారు.
ప్రమాద ధాటికి కారు నుజ్జునుజ్జు అయ్యింది. కారులో ఉన్న ఆరుగురికి తీవ్ర గాయాలు కాగా, డ్రైవర్ కారులో ఇరుక్కుపోయాడు. మరో ఐదురుగు తీవ్రంగా గాయపడగా.. వారిని 108లో మహబూబ్నగర్ జనరల్ హాస్పిటల్కు తరలించారు. అక్కడ చికిత్స పొందుతూ బస్వరాజ్(48), జంగమూర్తి (44) చనిపోయారు. ఎస్సై సిబ్బందితో కలిసి స్పాట్కు చేరుకొని స్థానికుల సాయంతో కారులో ఇరుక్కున్న డ్రైవర్ను బయటకు తీశారు. ట్రాఫిక్ జామ్ కావడంతో జేసీబీతో కారును పక్కకు పెట్టించి ట్రాఫిక్ను పునరుద్ధరించారు.
