వేములవాడ రూరల్, వెలుగు : రాజన్న సిరిసిల్ల జిల్లా వేములవాడ రూరల్ మండలంలోని ఎదురుగట్ల గ్రామంలో మద్యం మత్తులో కొందరు వ్యక్తులు కారు నడుపుతూ గొర్రెలపైకి తీసుకెళ్లడంతో మూడు గొర్రెలు అక్కడికక్కడే మృతి చెందాయి. మరికొన్ని గొర్రెలు గాయాలపాలయ్యాయి. నిజామాబాద్ జిల్లా భీంగల్ కు చెందిన రమావత్ కిరణ్ తన అత్తగారింటికి మరికొంత మందితో వచ్చాడు. వారితో కలిసి కారులో వెళ్తుండగా ఈ ప్రమాదం జరిగింది. మద్యం మత్తులో ఈ సంఘటన జరిగిందని ఎస్సై మారుతి తెలిపారు. ఘటనా స్థలానికి ఎస్సై చేరుకుని పరిశీలించారు. కేసు నమోదు చేసుకుని దర్యాప్తు చేస్తున్నట్లు ఆయన పేర్కొన్నారు.
