- ఇంజినీరింగ్ స్టూడెంట్పై దాడి
- కొత్తగూడెం మున్సిపల్ చైర్పర్సన్పై కేసు
- భర్త, కొడుకుపై కూడా...
- ఈ నెల17న అబ్దుల్కలాం కాలేజీలో ఘటన
సుజాతనగర్, వెలుగు : అనుమతి లేకుండా ఇంజినీరింగ్ కాలేజీలోకి ప్రవేశించడమే కాకుండా ఓ స్టూడెంట్పై దాడి చేశారంటూ కొత్తగూడెం మున్సిపల్ చైర్పర్సన్తో పాటు ఆమె భర్త, కొడుకుపై కేసు నమోదైంది. సోమవారం సుజాతనగర్ పోలీసుస్టేషన్ లో డీఎస్పీ అబ్దుల్ రెహమాన్ ఆ వివరాలను తెలియజేశారు. భద్రాద్రి కొత్తగూడెం జిల్లా సుజాతనగర్ మండలం వేపలగడ్డలోని అబ్దుల్ కలాం ఇంజినీరింగ్ కాలేజీలోకి ఈ నెల 17న మున్సిపల్చైర్పర్సన్ కాపు సీతాలక్ష్మి, ఆమె భర్త కాపు కృష్ణ, కొడుకు నవనీత్, మరో స్టూడెంట్ముక్కెన వినీత్ అనుమతి లేకుండా ప్రవేశించి ఓ స్టూడెంట్తో పాటు టీచర్ల పై దాడి చేశారు. ప్రిన్సిపాల్ కంప్లయింట్ మేరకు నిందితులపై ఐపీసీ సెక్షన్ 143, 448, 323, 506 రెడ్ విత్ 149 సెక్షన్ల కింద కేసు నమోదు చేసినట్లు తెలిపారు. సీఐ రమాకాంత్, ఎస్ఐ పండుగ తిరుపతి రావు పాల్గొన్నారు.
