వికారాబాద్, వెలుగు : వికారాబాద్జిల్లాలోని ఓ గర్నమెంట్జూనియర్కాలేజీలోని లెక్చరర్ను బెదిరించి రూ.2.5 లక్షలు వసూలు చేసిన ఇద్దరు స్టూడెంట్ యూనియన్లీడర్లు, ముగ్గురు ప్రముఖ పత్రికల రిపోర్టర్లపై పోలీసులు కేసు నమోదు చేశారు. తాండూరు రూరల్ సీఐ శ్రీనివాస్ రెడ్ది తెలిపిన వివరాల ప్రకారం.. పెద్దేముల్ గవర్నమెంట్ జూనియర్ కాలేజీలో పనిచేస్తున్న ఓ లెక్చరర్ బాలికలను వేధిస్తున్నాడని ఇటీవల విద్యార్థి సంఘాల నాయకులు స్టూడెంట్లతో కలిసి ధర్నా నిర్వహించారు.
ఆ విషయం న్యూస్చానెళ్లు, న్యూస్పేపర్లలో రాకుండా చూడాలంటే తమకు రూ.3లక్షలు ఇవ్వాలని స్టూడెంట్లీడర్లు దీపక్ రెడ్డి, ఇమ్రాన్, మూడు దినపత్రికల విలేకర్లు గౌస్, ముకుంద్ రెడ్డి, లక్ష్మారెడ్డి లెక్చరర్ను బెదిరించారు. పోలీసులు కేసు ఫైల్చేయకుండా మ్యానేజ్చేస్తామని నమ్మబలికారు.
భయపడిపోయిన లెక్చరర్ముందుగా రూ.2.5లక్షలు ఇచ్చాడు. సమాచారం అందుకున్న పోలీసులు దీపక్ రెడ్డి, ఇమ్రాన్ను అరెస్ట్ చేశారు. ముగ్గురు విలేకర్లు ప్రస్తుతం పరారీలో ఉన్నారు. ఐదుగురు నిందితులపై కేసు నమోదైంది.
