హైదరాబాద్: ప్రముఖ టాలీవుడ్ నటుడు వేణు తొట్టెంపూడి చిక్కుల్లో పడ్డారు. ఆయనపై పోలీసు కేసు నమోదయ్యింది. మాజీ ఎంపీ కావూరి సాంబశివరావు ఫ్యామిలీ మెంబర్స్ నిర్వహిస్తున్న 'ప్రోగ్రెసివ్ కన్స్ట్రక్షన్' కంపెనీలో వేణు ప్రతినిధిగా వ్యవహరిస్తున్నారు. ఈ సంస్థ 2002లో ఉత్తరాఖండ్ జల విద్యుత్ ప్రాజెక్టుకు సంబంధించి రిత్విక్ ప్రాజెక్ట్స్ కలిసి 2002లో కాంట్రాక్ట్ దక్కించుకుంది. తరువాత ప్రోగ్రెసివ్ కన్స్ట్ర క్షన్ కంపెనీ మధ్యలోనే తప్పుకుంది.
రిత్విక్ సంస్థతో చేసుకున్న ఒప్పందాన్ని వేణు, ప్రోగ్రెసివ్ సంస్థ నిర్వాహకులు రద్దు చేశారు. దాంతో, వీరిపై రిత్విక్ సంస్థ ఫిర్యాదు చేయగా.. నాంపల్లి రెండో అడిషనల్ చీఫ్ మెట్రోపాలిటన్ మేజిస్ట్రేట్ కేసు నమోదు చేయాలని ఆదేశాలు ఇచ్చింది. కోర్టు ఆదేశాల మేరకు తొట్టెంపూడి వేణుతో పాటు సంస్థ సభ్యులపై హైదరాబాద్ పోలీసులు కేసు నమోదు చేశారు.
