హైదరాబాద్ : మారణాయుధాయులతో పెళ్లి బరాత్ లో డ్యాన్స్ చేసిన యువకుడిపై పాతబస్తీ సంతోష్ నగర్ పోలీస్ స్టేషన్ పరిధిలో కేసు నమోదు చేశారు. పాతబస్తీ సంతోష్ నగర్ పి.యస్ పరిధిలో ఓ బరాత్ వేడుకల్లో అబ్దుల్ రహిం చేతిలో కత్తులు పట్టుకుని డ్యాన్స్ చేస్తున్న వీడియో వైరల్ అయ్యింది. దీనిపై పోలీసులు సీరియస్ యాక్షన్ తీసుకున్నారు.
నయారా పెట్రోల్ బంక్ సమీపంలో ఈనెల 5 వ తేదీ న జరిగిన వివాహ బరత్ లో యువకుడు కత్తులతో డ్యాన్స్ చేశాడు. ఆ యువకుడిపై సెక్షన్ 24(1)A ఆయుధాల చట్టం 1959 కింద కేసు ఫైల్ చేశారు. రహీంను అరెస్ట్ చేసి, అతని దగ్గర నుంచి కత్తి స్వాధీనం చేసుకున్నారు.
