గచ్చిబౌలి, వెలుగు : ఆర్టీసీ బస్సులో యువతితో అసభ్యంగా ప్రవర్తించిన కండక్టర్పై కేసు నమోదైంది. రాయదుర్గం పోలీసులు తెలిపిన ప్రకారం.. పుప్పాలగూడలో ఉండే యువతి(24) హిమాయత్నగర్లో పోటీ పరీక్షలకు కోచింగ్ తీసుకుంటుంది. సోమవారం ఉదయం పుప్పాలగూడలో హిమాయత్నగర్వెళ్లేందుకు ఫరూక్నగర్డిపో ఆర్టీసీ బస్సు ఎక్కింది.
కండక్టర్సుబ్బారావు(36) బస్సు రద్దీగా ఉండడంతో యువతి ప్రైవేట్ పార్ట్ తాకుతూ అసభ్యంగా ప్రవర్తించాడు. యువతి వెంటనే అప్రమత్తమై సోషల్మీడియాలో పోస్ట్ చేసింది. దీంతో ఆర్టీసీ ఎండీ సజ్జనార్స్పందించి కండక్టర్ ప్రవర్తనపై విచారణ చేయాలని ఆదేశించగా రాయదుర్గం పోలీసులు యువతితో కంప్లయింట్ తీసుకుని కండక్టర్పై కేసు నమోదు చేశారు. బుధవారం కండక్టర్సుబ్బారావును రిమాండ్కు పంపారు.
