కుభీర్, వెలుగు: మద్యం మత్తులో 100కు కాల్ చేసి పోలీసుల సమయం వృథా చేసిన ఓ యువకుడిపై కేసు నమోదైంది. నిర్మల్ జిల్లా కుభీర్ మండలం సౌంవ్లీ గ్రామానికి చెందిన రోహిత్ కుమార్పై పోలీసులు కేసు నమోదు చేశారు. ఎస్సై రవీందర్ తెలిపిన వివరాల మేరకు.. సౌంవ్లీ గ్రామానికి చెందిన నలుగురు వ్యక్తులు మద్యం మత్తులో మాలేగాం గ్రామ సమీపంలో రోడ్డుపై న్యూసెన్స్ చేశారు.
ఆ సమయంలో విధులు నిర్వహిస్తున్న పెట్రో కార్ సిబ్బంది దీపక్ సింగ్, ఆత్మరాం వారి వద్దకు చేరుకొని వారి స్వగ్రామం సౌంవ్లీకి పంపించారు. అయితే మద్యం మత్తులో నలుగురిలో ఒకరైన రోహిత్ కుమార్100 కాల్ చేసి పోలీసులను తమ గ్రామానికి రావాలని న్యూసెన్స్ చేశాడు. దీంతో పోలీసుల విధులకు ఆటంకం, సమయం వృథా చేసినందుకు రోహిత్పై కేసు నమోదు చేసినట్లు ఎస్సై తెలిపారు. అత్యవసర సమయంలో మాత్రమే 100 కాల్ చేయాలని, అనవసరంగా కాల్ చేసి విధులకు ఆటంకం కలిగిస్తే కేసులు నమోదు చేస్తామన్నారు.
