గద్వాల, వెలుగు: వెహికల్స్ తనిఖీల్లో భాగంగా మంగళవారం రూ.11,52,200 నగదును సీజ్ చేసినట్లు ఎస్పీ రితిరాజ్ తెలిపారు. ఉండవెల్లి మండలం పుల్లూరు చెక్ పోస్ట్ దగ్గర రూ.11 లక్షలు, కేటిదొడ్డి మండలం నందిన్నె చెక్ పోస్ట్ దగ్గర రూ.54,200 పట్టుబడ్డాయని చెప్పారు. నగదుకు సంబంధించిన రసీదులు చూపించకపోవడంతో సీజ్ చేసినట్లు ఎస్పీ తెలిపారు.
నవాబుపేట: మండల కేంద్రం సమీపంలో నిర్వహించిన తనిఖీల్లో లోకిరేవు గ్రామానికి చెందిన దుబ్బసత్తయ్య తరలిస్తున్న 4.7 లీటర్ల లిక్కర్తో పాటు కొల్లూరు గ్రామానికి చెందిన షాబాద్ మల్లేశ్ తీసుకెళ్తున్న రూ.63 వేలను స్వాధీనం చేసుకున్నట్లు ఎస్ఐ అభిషేక్రెడ్డి తెలిపారు. నగదుకు సంబంధించి ఎలాంటి ఆధారాలు చూపకపోవడంతో సీజ్ చేసినట్లు చెప్పారు.
