సెల్ ఫోన్ చేతికి వచ్చిన దగ్గరి నుంచి టైం చూసుకునేందుకు రిస్ట్ వాచ్తో పనిలేకుండా పోయింది. అంటే.. చేతి వాచీల ట్రెండ్ చాలావరకు తగ్గిపోయిందన్నమాటే. అయితే రాబోయే కాలంలో అవి కూడా కనిపించవేమో! ఎందుకంటే ఇప్పుడు చేతికి కాదు.. వేలికి పెట్టుకునే వాచీలు వచ్చాయి. ఆశ్చర్యంగా ఉంది కదూ! అవును.. నిజంగానే వేలికి పెట్టుకునేలా ఉంగరం సైజులో ఉండే వాచీలు మార్కెట్లోకి వచ్చేశాయి. జపాన్ కంపెనీ ‘క్యాసియో’, ‘స్టాస్టో స్టాండ్ స్టోన్స్’ అనే కంపెనీతో కలిసి వీటిని తయారుచేసింది.
ఇందులో ఎన్నో రకాల డిజైన్స్, మోడల్స్ కూడా ఉన్నాయి. అంతేకాదు... వేలి వాచీల్లో కాలిక్యులేటర్, డిజిటల్ డిస్ప్లే వంటి ఫీచర్స్ కూడా ఉన్నాయి. మరి వీటి రేటు ఎంత ఉంటుంది అనుకుంటున్నారు? మోడల్ని బట్టి రేట్ ఉంటుంది. మూడు డాలర్ల నుంచి మొదలు అంటే.. 249 రూపాయల నుంచి రేట్లు మొదలన్నమాట.
