ఖమ్మం టౌన్, వెలుగు: చింతకాని మండలం రాఘవపురం సర్పంచ్ గోవిందయ్య, ఎస్టీ కుల పెద్దలు శ్రీరామ్, వెంకన్నల మాట ధిక్కరించి పీఎస్లో కంప్లయింట్ చేసినందుకు కులబహిష్కరణ చేశారని ఎరుకుల కులానికి చెందిన పుట్టబంతి అచ్చయ్య వాపోయాడు. ఖమ్మం ప్రెస్ క్లబ్ లో బుధవారం కుటుంబసభ్యులతో కలిసి మాట్లాడాడు. రెండేండ్ల క్రితం గ్రామానికి చెందిన ఓ యువకుడు తన కూతురికి యాక్సిడెంట్ చేశాడని, దీనిపై కంప్లయింట్చేసినందుకు కుల బహిష్కరణ చేశారన్నారు. అప్పటి నుంచి ఊర్లో ఎవరూ సహకరించవద్దని సర్పంచ్, కుల పెద్ద హెచ్చరించడంతో తాము ఒంటరి వాళ్లమైపోయామన్నారు. దిక్కుతోచక 70 ఏండ్లుగా ఉంటున్న గ్రామాన్ని విడిచి వేరే ఊరికి వెళ్లిపోయానని, ఘటనపై చింతకాని పీఎస్లో కంప్లయింట్చేసినా న్యాయం చేయలేదన్నారు. ఇప్పుడు గ్రామంలో మంజూరైన ఇల్లును కూడా లాక్కొనేందుకు ప్రయత్నిస్తున్నారని తెలిపారు. కుటుంబసభ్యులు నాగరాజు, సుజాత, మనీషా, చిన్నకమా,
గోవిందమ్మ, నాగబాబు పాల్గొన్నారు.
