కాశీబుగ్గ, వెలుగు : వరంగల్ ఉమ్మడి జిల్లా వ్యాప్తంగా జోరుగా కాటన్ కార్పొరేషన్ ఆఫ్ ఇండియా (సీసీఐ)345.93 లక్షల క్వింటాళ్లు పత్తి కొనుగోళ్లు చేసిందని కాటన్ కార్పొరేషన్ ఆఫ్ ఇండియా (సీసీఐ) చీఫ్ జనరల్ మేనేజర్ అర్జున్ దేవ్ చెప్పారు. గురువారం సీసీఐ చీఫ్ జనరల్ మేనేజర్ మాట్లాడుతూ.. దేశ వ్యాప్తంగా 2024-– 2025వ పత్తి సీజన్ ప్రారంభం నుంచి ఇప్పటి వరకు సీసీఐ ఎంఎస్పీ ప్రభుత్వ మద్దతు ధర రూ.7165లు క్వింటాల్ చొప్పన 345.93లక్షల క్వింటాళ్ల పత్తిని కొనుగోలు చేశారు.
పత్తి ఉత్పత్తి చేసే రాష్ర్టాల్లో పత్తి రైతులందరికి సీసీఐ చివరి వరకు వచ్చే ఫెయిర్ గ్రేడ్ పత్తిని కొనుగోలు చేయడం కొనసాగిస్తుందని ఆయన హామీ ఇచ్చారు. రైతులు తమ ఉత్పత్తులను విక్రయించడంలో ఇబ్బందులు పడాల్సిన అవసరం లేదని అన్నారు. పత్తి రైతులకు ఎమైనా సమస్యలు, ఫిర్యాదులు ఉంటే వాట్సాప్ నంబర్ 91 7718955728కి సందేశాలను పంపవచ్చని తెలిపారు.
