ఐపీఎల్‌లో సన్‌రైజర్స్‌ హైదరాబాద్ గెలుపోటములు పక్కనపెడితే కావ్య మారన్ ఇచ్చే క్యూట్‌ ఎక్స్‌ప్రెషన్స్‌ సోషల్ మీడియాలో తెగ వైరల్ అవుతాయి. గెలిస్తే ఓ రేంజ్ లో సెలెబ్రేషన్ చేసుకునే ఆమె.. ఓడిపోతే అంతే నిరాశకు గురవుతుంది. గత రెండేళ్లుగా అడపాదపా విజయాలతో సరిపెట్టుకున్న కావ్యమారన్.. ఈ సీజన్ లో మాత్రం కమ్మిన్స్ నాయకత్వంలో సంతోషంతో కళకళలాడిపోతుంది. తాజాగా నిన్న (మే 2) రాజస్థాన్ రాయల్స్ పై విజయం సాధించడంతో ఆమె ఆనందానికి అవధులు లేకుండా పోయాయి.
అప్పటివరకు ఓటమి ఖాయమనుకొని దిగాలుగా ఉన్న ఆమె.. చివరి బంతికి గెలవడంతో మాస్ సెలబ్రేషన్ తో తన సంతోషాన్ని తెలియజేసింది. విజయోత్సాహంతో గెత్తులేసింది. ఓడిపోయే మ్యాచ్ లో గెలిచే సరికి సంతోషం పట్టలేక చిన్న పిల్లలా థ్రిల్లింగ్‌ విక్టరీని సెలబ్రేట్‌ చేసుకుంది. ప్రస్తుతం కావ్య మారన్ సెలెబ్రేషన్స్ సోషల్ మీడియాలో వైరల్ అవుతున్నాయి. సెలెబ్రేషన్ కామన్ అయినప్పటికీ ఇంత మాస్ గా సెలెబ్రేట్ చేసుకోవడం అందరినీ కాస్త షాక్ కు గురి చేసింది.
ఈ మ్యాచ్ విషయానికి వస్తే.. ఆఖరి బాల్‌ వరకు ఉత్కంఠ రేపిన పోరులో సన్ రైజర్స్ హైదరాబాద్ ‘వన్‌’డర్‌‌‌‌ఫుల్‌ పెర్ఫామెన్స్‌ చేసింది. భువనేశ్వర్ కుమార్ (3/41) సూపర్ బౌలింగ్‌‌తో చెలరేగి ఒక్క పరుగు తేడాతో టేబుల్ టాపర్‌ రాజస్తాన్‌ జోరుకు బ్రేక్‌ వేసింది. మొదట బ్యాటింగ్ చేసిన సన్ రైజర్స్ నిర్ణీత 20 ఓవర్లలో 3 వికెట్ల నష్టానికి 201 పరుగులు చేసింది. లక్ష్య ఛేదనలో రాజస్థాన్ 20 ఓవర్లో 200 పరుగులు చేసి ఓడింది.
Kavya Maran seems like doing Siuuuuuuuu celebration after SRH beat RR by Barest of Margin 👏 #SRHvsRR #SRH #IPL2024 #Raebareli #GunturKaaram #JusticeForAjmerImam #Tamannaah #LocalElections2024 #MIvsKKR #Aranmanai4 #RaashiKhanna #BengaluruRains #cbseresults2024 #HelicopterCrash pic.twitter.com/fWWrASbiGx
— David Beckham Official Fan Page (@davidebecka_m7) May 3, 2024
