హైదరాబాద్, వెలుగు: వయనాడ్ లోక్ సభ స్థానం నుంచి ప్రియాంక గాంధీ భారీ మెజార్టీతో గెలవడంతో రాష్ట్ర కాంగ్రెస్ నేతలు గాంధీభవన్ వద్ద సంబురాలు చేసుకున్నారు. ఆమె ఫొటోకి పాలాభిషేకం చేశారు. పార్టీ కార్యకర్తలు స్వీట్లు పంచుకొని ఒకరికొకరు శుభాకాంక్షలు చెప్పుకున్నారు.
కార్యక్రమంలో ఫిషరీస్ చైర్మన్ మెట్టు సాయి, పలువురు పార్టీ కార్యకర్తలు పాల్గొన్నారు. ప్రియాంకకు రాష్ట్ర మంత్రులు శ్రీధర్ బాబు, పొన్నం ప్రభాకర్, ఎంపీ చామల కిరణ్ కుమార్ రెడ్డి తదితరులు శుభాకాంక్షలు తెలియజేశారు.
