హైదరాబాద్లో సెల్ ఫోన్ స్నాచర్లు రెచ్చిపోయారు. దారిన వెళ్తున్న యువకుడిని నుంచి సెల్ఫోన్ దొంగిలించేందుకు యత్నించారు. యువకుడు ఎదురు తిరగడంతో కత్తితో దాడిచేశారు. అయినా ఆ యువకుడు భయపడలేదు. ధైర్యంతో ఇద్దరు సెల్ఫోన్ స్నాచర్లను ఎదుర్కొన్నాడు.
సోమవారం (జూన్3) హైదరాబాద్ నగరంలోని వెంగళరావు నగర్ లో జాషువా అనే యువకుడు దారివెంట వెళ్తుండగా.. ఇద్దరు వ్యక్తులు అతని సెల్ ఫోన్ ను ఎత్తుకెళ్లేందుకు ప్రయత్నించారు. అప్రమత్తమైన జాషువా ఒకడిని పట్టుకున్నాడు. దీంతో జాషువాపై కత్తితో దాడి చేశాడు మరో సెల్ ఫోన్ స్నాచర్.
అయినా భయపడకుండా జాషువా వారిని పట్టుకొని గట్టిగా అరవడంతో స్థానికులు వచ్చి దొంగలను పట్టుకుని పోలీసులకు అప్పగించారు. జాషువా సాహసానికి స్థానికులు ప్రశంసించారు. కేసు నమోదు చేశారు మధురానగర్ పోలీసులు.
