హైదరాబాద్, వెలుగు:గోదావరి రివర్మేనేజ్ మెంట్ బోర్డు (జీఆర్ఎంబీ) కొత్త చైర్మన్గా ఏకే ప్రధాన్ను కేంద్రం నియమించింది. సెంట్రల్వాటర్ ఇంజనీరింగ్సర్వీస్ (గ్రూప్ఏ)లో సీనియర్ అడ్మినిస్ట్రేటివ్ గ్రేడ్ (ఎస్ఏజీ) ఆఫీసర్గా ఉన్న ఆయన్ను.. అదే సర్వీస్లో హయ్యర్అడ్మినిస్ట్రేటివ్గ్రేడ్ (హెచ్ఏజీ)గా ప్రమోట్ చేసింది.
ఈ మేరకు బుధవారం కేంద్ర జలశక్తి శాఖ కార్యదర్శి అనిల్కుమార్శర్మ ఉత్తర్వులు జారీ చేశారు. జీఆర్ఎంబీ చైర్మన్గా ఆయన నియామకం తక్షణం అమల్లోకి వస్తుందని పేర్కొన్నారు. అయితే, జీఆర్ఎంబీ చైర్మన్గా వ్యవహరించిన ముకేశ్ కుమార్ సిన్హాను ఈ నెల13న కేంద్రం సీడబ్ల్యూసీ చైర్మన్గా నియమించిన సంగతి తెలిసిందే. రెండు వారాలుగా ఆ పోస్ట్ ఖాళీగా ఉంది.
ఇటు జీఆర్ఎంబీ ఉద్యోగులపై బోర్డు మెంబర్సెక్రటరీ అళగేశన్ తీరు కూడా వివాదస్పదమైంది. దీనిపై ఇరిగేషన్ డిపార్ట్ మెంట్ ఇప్పటికే కేంద్ర జలశక్తి శాఖకు, సీడబ్ల్యూసీకి ఫిర్యాదు చేసింది. ఈ నేపథ్యంలోనే ఆ సమస్య మరింత ముదరకుండా ఉండేందుకే కేంద్రం బోర్డుకు చైర్మన్ను నియమించిందని అధికారులు చెబుతున్నారు.
