బషీర్ బాగ్, వెలుగు: అబిడ్స్ లోని తాజ్ మహల్ హోటల్ పప్పులో జెర్రీ వచ్చింది. సికింద్రాబాద్ కు చెందిన అశోక్ ఓ క్లాత్ షోరూమ్ లో మార్కెటింగ్ ఎగ్జిక్యూటివ్. పనిలో భాగంగా తోటి ఎంప్లాయ్స్తో కలిసి మంగళవారం అబిడ్స్ వచ్చాడు. స్థానిక తాజ్ మహల్ హోటల్లో భోజనం చేసేందుకు వెళ్లాడు. సౌత్ ఇండియన్ వెజ్ తాలీ ఆర్డర్ ఇచ్చాడు. భోజనం చేస్తుండగా పప్పులో జెర్రీ ప్రత్యక్షమవడంతో కంగుతిన్నాడు.
హోటల్ యాజమాన్యాన్ని నిలదీయగా పాలకూరలో వచ్చి ఉంటుందని నిర్లక్ష్యంగా సమాధానం ఇచ్చారు. వెంటనే ఆన్లైన్లో జీహెచ్ఎంసీ అధికారులకు ఫిర్యాదు చేశాడు. ఫుడ్ సేఫ్టీ అధికారులకు ఫిర్యాదు చేసినప్పటికీ స్పందించలేదని వాపోయాడు. అయితే అశోక్గొడవకు దిగడంతో హోటల్నిర్వాహకులు ఫుడ్ సెక్షన్ కు తాళాలు వేసి కస్టమర్లను పంపించేశారు.
