ఉమ్మడి కరీంనగర్​ జిల్లాలో ఓటర్లు ఇంత మంది ఉన్నారా..?

• 3,517 పోలింగ్‌‌‌‌‌‌‌‌కేంద్రాలు
• మార్పులు, చేర్పులు, కొత్త ఓటర్ల నమోదుకు అవకాశం
• వచ్చే ఏడాది జనవరి 6న ఫైనల్ లిస్టు రిలీజ్
• ఈ నెల 28 వరకు అభ్యంతరాల స్వీకరణ

కరీంనగర్‌‌‌‌‌‌‌‌, వెలుగు: ఉమ్మడి కరీంనగర్​ జిల్లా ఓటర్ల ముసాయిదా జాబితాను కేంద్ర ఎన్నికల సంఘం విడుదల చేసింది.   కొత్తగా ఓటు నమోదు చేసుకునేందుకు వచ్చే ఏడాది (2025) జనవరి వరకు అవకాశం కల్పిస్తోంది. నూతన ఓటరు జాబితా తయారీలో భాగంగా ఆగస్టు 20 నుంచి అక్టోబరు 18వ తేదీ వరకు బీఎల్వోలు ఇంటింటా సర్వే నిర్వహించి ఓటరు జాబితాలో మార్పులు, చేర్పులు చేపట్టారు.

 అందుకు అనుగుణంగా ముసాయిదా ఓటర్ల జాబితాను అన్ని పోలింగ్‌‌‌‌‌‌‌‌కేంద్రాల్లో ప్రచురించారు. ఉమ్మడి కరీంనగర్​ జిల్లాలోని12 అసెంబ్లీ నియోజకవర్గాల పరిధిలోని 3,517 పోలింగ్​ కేంద్రాల్లో 29,90,319 మంది ఓటర్లు ఉన్నట్లు అధికారులు లెక్క తేల్చారు. వచ్చే ఏడాది జనవరి 6న తుది ఓటరు జాబితాను ప్రకటిస్తారు. వచ్చే ఏడాది జనవరి దాకా ఓటరు నమోదుకు అవకాశం ఉన్నందున ఓటర్ల సంఖ్య మరింతగా పెరిగే అవకాశం ఉంది. 

మహిళా ఓటర్లే ఎక్కువ..

ఉమ్మడి జిల్లాలో 12 అసెంబ్లీ నియోజకవర్గాలు ఉండగా కరీంనగర్‌‌‌‌‌‌‌‌లో అత్యధిక ఓటర్లు 3,66,646 మంది, రామగుండంలో అత్యల్పంగా 2,20,342 మంది ఓటర్లు ఉన్నారు. పురుష ఓటర్లు 14,56,825 మంది, మహిళా ఓటర్లు 15,33,310 మంది, ఇతరులు 184 మంది ఉన్నారు. అన్ని నియోజకవర్గాల్లో పురుష ఓటర్ల కంటే మహిళా ఓటర్లే అధికంగా ఉన్నారు.

అభ్యంతరాల స్వీకరణ..

ఎన్నికల అధికారులు విడుదల చేసిన ముసాయిదా జాబితాలో ఏమైనా చేర్పులు, తొలగింపులు, సవరణలు ఉంటే నవంబర్‌‌‌‌‌‌‌‌28వ తేదీ వరకు దరఖాస్తు చేసుకోవచ్చు. ఇందుకు పోలింగ్‌‌‌‌‌‌‌‌కేంద్రాల్లో బీఎల్‌‌‌‌‌‌‌‌వోలు అందుబాటులో ఉంటారు. కొత్తగా చేరాలనుకునే వారు ఫారం-6, తొలగించుకోవాలనుకునే వారు ఫారం-7, సవరణ చేసుకోవాలనుకునే వారు ఫారం-8 ఆధారంగా దరఖాస్తు చేసుకోవాల్సి ఉంటుంది. 2025 జనవరి 1 నాటికి 18 ఏళ్ల వయస్సు నిండిన వారందరూ ఓటర్లుగా నమోదు చేసుకునేందుకు నవంబరు 9, 10 తేదీల్లో జిల్లాలోని అన్ని పోలింగ్‌‌‌‌‌‌‌‌కేంద్రాల్లో ప్రత్యేక అవగాహన కార్యక్రమాలు నిర్వహించనున్నారు. అభ్యంతరాలను పరిష్కరించి జనవరి 6న తుది జాబితాను ప్రకటించనున్నారు.

ఉమ్మడి జిల్లా ఓటరు ముసాయిదా జాబితా వివరాలు

అసెంబ్లీ     పోలింగ్‌‌‌‌‌‌‌‌కేంద్రాలు    పురుషులు    మహిళలు    ఇతరులు     మొత్తం

కోరుట్ల                   262                   117287           129916              4             247207
జగిత్యాల              254                    113928           123872              23           237823
ధర్మపురి               269                   112972            118863              9             231844
రామగుండం        262                   110011             110303             28           220342
మంథని               292                    117953            123148             15            241116
పెద్దపల్లి               291                    127106            130920              7             258033
కరీంనగర్‌‌‌‌‌‌‌‌            390                    182791            183810             45             366646 
చొప్పదండి        327                    113314            121179              8               234501
మానకొండూర్‌‌‌‌‌‌‌‌    316                    110503            116063              1               226567 
హుజూరాబాద్‌‌‌‌‌‌‌‌    305                   122215            129122               7              251344 
వేములవాడ       262                    108675            118808              30             227513
సిరిసిల్ల                287                   120070             127306              7               247383
మొత్తం               3517                   145682            1533310            184          29,90,319