ఆంధ్రప్రదేశ్కు కేంద్ర ప్రభుత్వ మరో గుడ్ న్యూస్ చెప్పింది. ఆంధ్రప్రదేశ్ రాజధాని అమరావతి రైల్వే అనుసంధాన ప్రాజెక్టుకు తాజాగా కేంద్ర మంత్రివర్గం ఆమోదం తెలిపింది. రూ.2,245 కోట్ల వ్యయంతో 57 కిలో మీటర్ల పొడవునా నిర్మించనున్న అమరావతి రైల్వే లైన్కు కేబినెట్ గ్రీన్ సిగ్నల్ ఇచ్చింది. ప్రధాని మోడీ అధ్యక్షతన గురువారం (అక్టోబర్ 24) జరిగిన కేంద్ర మంత్రిమండలి సమావేశంలో ఈ నిర్ణయం తీసుకున్నారు.
అమరావతి రైల్వే నిర్మాణానికి కేబినెట్ ఆమోద ముద్ర వేసిన విషయాన్ని కేంద్రమంత్రి అశ్వినీ వైష్ణవ్ మీడియాకు వెల్లడించారు. ఈ ప్రాజెక్ట్ ద్వారా అమరావతికి హైదరాబాద్, చెన్నై, కోల్ కతా నగరాలతో రైల్ కనెక్టివిటి చేయనున్నారు. కొత్త రైల్వే లైన్ నిర్మాణంతో దక్షిణ, మధ్య, ఉత్తర భారత్తో ఏపీకి అనుసంధానం పెరగనుంది.
ALSO READ | హైదరాబాద్ ఇండియాలో బెస్ట్ సిటీ : మంగళగిరి డ్రోన్ సమిట్‌లో ఏపీ సీఎం చంద్రబాబు
ఈ రైల్వే ప్రాజెక్టులో భాగంగా కృష్ణా నదిపై 3.2 కి.మీ పొడవునా రైల్వే బ్రిడ్జి నిర్మించనున్నారు. కాగా, కేంద్రంలో బీజేపీ నేతృత్వంలోని ఎన్డీఏ ప్రభుత్వంలో టీడీపీ కీలక భాగస్వామిగా ఉంది. ఈ నేపథ్యంలో ఏపీపై కేంద్ర ప్రభుత్వం వరాలు జల్లు కురిపిస్తోంది. అమరావతి రాజధాని నిర్మాణం, పోలవరం ప్రాజెక్ట్ నిర్మాణానికి ఇటీవల భారీగా నిధులు కేటాయించిన మోడీ సర్కార్.. తాజాగా ఏపీకి మరో శుభవార్త అందించింది.
